RM30 மாதாந்திர பொது போக்குவரத்து உதவித் தொகை: 13,000 பேர் பயனடைவர்

13 நவம்பர் 2026, 9:04 AM
RM30  மாதாந்திர பொது போக்குவரத்து உதவித் தொகை:  13,000 பேர்  பயனடைவர்

ஷா ஆலாம், நவ 13 - சிலாங்கூர் மாநில அரசாங்கம், SEL 30 எனப்படும் 30 ரிங்கிட் மாதாந்திரப் பொதுப் போக்குவரத்து உதவித் தொகை திட்டத்தை அறிமுகப்படுத்தவுள்ளது.

50 லட்சம் ரிங்கிட் ஒதுக்கீட்டில் செயல்படுத்தப்படும் இத்திட்டத்தின் மூலம் 13,000 பேர் பயனடைவார்கள் என எதிர்பார்க்கப்படுவதாக மந்திரி பெசார் டத்தோ ஸ்ரீ அமிருடின் ஷாரி தெரிவித்தார்.

"SEL 30 என்பது சிலாங்கூர் மக்களுக்கான ஒரு சிறப்பு முயற்சியாகும்; செலவுகளைக் குறைப்பதையும், பொதுப் போக்குவரத்துப் பயன்பாட்டை ஊக்குவிப்பதையும் இது நோக்கமாகக் கொண்டுள்ளது." என்றாரவர்.

இன்று 2027-ஆம் ஆண்டுக்கான சிலாங்கூர் வரவுசெலவுத் திட்டத்தை தாக்கல் செய்தபோது அவர் இதனைத் தெரிவித்தார்.

இதனிடையே, 'ஸ்மார்ட் சிலாங்கூர் பேருந்து' (Smart Selangor Bus) சேவை ‘பாஸ் கித்தா சிலாங்கூர்’ (Bas Kita Selangor) எனப் பெயர் மாற்றம் செய்யப்படும்.

மக்களின் நலனுக்காக, மிகவும் முறையான மற்றும் பயனுள்ள வழித்தட நிர்வாகமும், கூடுதல் பேருந்து சேவைகளும் இதனுடன் இணைந்து வழங்கப்படும்," என்று அவர் கூறினார்.

பொதுப் போக்குவரத்து அமைப்பை வலுப்படுத்தவும், செயலிகள் (Apps), அமைப்புகள் மற்றும் தகவல்கள் திரும்பத் திரும்ப உருவாவதைக் குறைக்கவும், 'சிலாங்கூர் மொபிலிட்டி நெக்சஸ்' (Selangor Mobility Nexus) என்ற புதிய முயற்சியை மாநில அரசு அறிமுகப்படுத்தவுள்ளது.

"தரவு ஒருங்கிணைப்பிற்கு (Data Integration) முக்கியத்துவம் அளித்து, ரந்தையான் மெஸ்ரா நிறுவனம் (Rantaian Mesra Sdn Bhd) மூலம் RM1.5 மில்லியன் செலவில் இந்தப் போக்குவரத்து மையம் உருவாக்கப்படும்.

இதில் 'பயணத் திட்டமிடலில்' (Journey Planner - சிலாங்கூர் ஒருங்கிணைந்த போக்குவரத்து அமைப்பு), 'ஸ்கேன்-டு-ரைடு' (Scan-to-Ride) வசதிகள், பயனர் புகார் மேலாண்மை மற்றும் போக்குவரத்து வழித்தட வரைபடம் ஆகியவை அடங்கும்," என்று அமிருடின் கூறினார்.

பேருந்து நிறுத்தங்களைக் கண்டறியவோ அல்லது பேருந்து வரும் நேரத்தைச் சரிபார்க்கவோ பொதுமக்கள் பல செயலிகளைச் சார்ந்திருக்கத் தேவையில்லாத வகையில், தற்போதுள்ள அனைத்துத் தரவுகளையும் அமைப்புகளையும் ஒருங்கிணைப்பதே இதன் நோக்கமாகும்.

வகைselangor

உங்கள் கருத்து என்ன?

அண்மைய செய்திகள்
Media Selangor
எங்களைப் பற்றி

Media Selangor Sdn Bhd என்பது சிலாங்கூர் மந்திரி பெசார் கழகத்தின் (MBI) துணை நிறுவனம் ஆகும். இது மாநில அரசின் ஊடக ஏஜென்ஸியாக செயல்படுகிறது. Selangorkini மற்றும் SelangorTV ஆகியவற்றுடன் கூட, இந்த நிறுவனம் சீனம், தமிழும் மற்றும் ஆங்கிலத்திலும் இணையதளங்கள் மற்றும் பத்திரிகைகளை வெளியிடுகிறது.