ஷா ஆலாம், அக்.29 – இந்தோனேசியாவின் பண்டா கடல் பகுதியில் இன்று அதிகாலை 5.9 ரிக்டர் அளவிலான மிதமான நிலநடுக்கம் ஏற்பட்டுள்ளது.
எனினும், இந்த நிலநடுக்கத்தால் மலேசியாவுக்குச் சுனாமி அச்சுறுத்தல் ஏதுமில்லை என மலேசிய வானிலை ஆய்வுத் துறை (MetMalaysia) தெரிவித்தது.
இன்று காலை 6.06 மணிக்கு ஏற்பட்ட இந்த நிலநடுக்கம் இந்தோனேசியாவின் அம்போன் நகருக்குத் தென்கிழக்கே சுமார் 403 கிலோமீட்டர் தொலைவில் மையம் கொண்டுள்ளது.
மேலும், பூமியின் மேற்பரப்பிலிருந்து சுமார் 157 கிலோமீட்டர் ஆழத்தில் இந்த நிலநடுக்கம் ஏற்பட்டதாக மெட்மலேசியா குறிப்பிட்டது.







