ஷா ஆலாம், அக்.23 — மலேசியாவில் இன்று காலை 7 மணி நிலவரப்படி, சிலாங்கூரில் ஜோஹான் செத்தியா பகுதியில் காற்று மாசுக் குறியீடு (API) 162 ஆகப் பதிவாகியுள்ளது.
இதுவே நாடு முழுவதும் பதிவான அதிகபட்ச காற்று மாசுக் குறியீடாகும். இதற்கிடையில், சிலாங்கூரில் மேலும் 4 பகுதிகளில் காற்றின் தரம் ஆரோக்கியத்திற்குப் பாதிப்பை ஏற்படுத்தக்கூடிய அளவில் உள்ளது.
மலேசிய காற்று மாசுக் குறியீட்டு மேலாண்மை அமைப்பான APIMS வெளியிட்டுள்ள தரவுகளின்படி, கிள்ளானில் காற்று மாசுக் குறியீடு 160 ஆகப் பதிவாகியுள்ளது. அதேவேளை, பெட்டாலிங்கில் 158 ஆகவும், ஷா ஆலாமில் 156 ஆகவும், பந்திங்கில் 154 ஆகவும் API பதிவாகியுள்ளது.
கோலாலம்பூர், பத்து மூடாவில் காற்று மாசுக் குறியீடு 157 ஆகப் பதிவாகியுள்ளதுடன், செராஸில் 136 ஆகவும் காணப்படுகிறது. அதேவேளை, புத்ராஜெயாவில் இந்தக் குறியீடு 153 ஆகப் பதிவாகியுள்ளது.
நெகிரி செம்பிலானிலும் காற்றின் தரம் கவலைக்குரிய நிலையை எட்டியுள்ளது. நீலாய் மற்றும் சிரம்பான் ஆகிய இரு பகுதிகளிலும் காற்று மாசுக் குறியீடு தலா 159 ஆகப் பதிவாகியுள்ளது. போர்ட் டிக்சனில் இந்தக் குறியீடு 106 ஆக உள்ளது.
இதற்கிடையில், மலாக்கா மாநிலத்தின் மூன்று பகுதிகளில் ஆரோக்கியமற்ற காற்றுத் தரம் பதிவாகியுள்ளது. அதாவது புக்கிட் ரம்பாயில் 151 ஆகவும், பண்டாராயா மலாக்காவில் 136 ஆகவும், அலோர் காஜாவில் 121 ஆகவும் API உள்ளது.
ஜோகூர், பத்து பஹாட் பகுதியில் காற்று மாசுக் குறியீடு 151 ஆகவும், தங்காக்கில் 140 ஆகவும் பதிவாகியுள்ளது.
நாடு முழுவதும் 49 பகுதிகளில் மிதமான காற்று மாசுக் குறியீடு பதிவாகியுள்ளதாக APIMS தெரிவித்தது. மேலும், இரண்டு பகுதிகளில் மட்டுமே நல்ல காற்றுத் தரம் நிலவுவதாகவும் அதன் தரவுகள் சுட்டிக்காட்டுகின்றன.
