கோலாலம்பூர், அக். 5 — ஜப்பானில் நடைபெற்ற 2026 அய்ச்சி-நகோயா ஆசிய விளையாட்டுப் போட்டியில் ஒன்பது தங்கப் பதக்கங்களை வென்று நாட்டுக்குப் பெருமை சேர்த்த மலேசிய அணியினருக்கு பிரதமர் டத்தோஸ்ரீ அன்வார் இப்ராஹிம் தமது வாழ்த்துகளைத் தெரிவித்தார்.
மலேசியக் குழுவினரின் இந்தச் சாதனை, ஆசிய விளையாட்டுப் போட்டிகளில் நாட்டின் சிறந்த சாதனைகளில் ஒன்றாகப் பதிவாகியுள்ளது.
குறிப்பாக, சீனாவின் குவாங்சோவில் 2010ஆம் ஆண்டு நடைபெற்ற ஆசிய விளையாட்டுப் போட்டியில் மலேசியா வென்ற ஒன்பது தங்கப் பதக்கங்களின் எண்ணிக்கையை இம்முறை அணி சமன் செய்துள்ளது.
நாட்டைப் பிரதிநிதித்துவப்படுத்திய ஒவ்வொரு வீரர், வீராங்கனை மற்றும் அணியினரும் தங்களால் இயன்ற முழுத் திறனையும் வெளிப்படுத்தியதற்காக அன்வார் நன்றி தெரிவித்தார்.
20ஆவது ஆசிய விளையாட்டுப் போட்டியில் மலேசியக் குழு மொத்தம் ஒன்பது தங்கம், ஏழு வெள்ளி மற்றும் 16 வெண்கலப் பதக்கங்கள் என மொத்தம் 32 பதக்கங்களைப் பெற்று போட்டியை நிறைவு செய்தது.
மலேசியாவின் தங்கப் பதக்கங்கள் ஸ்குவாஷ், கராத்தே, மின்னியல் விளையாட்டு (e-sports), செப்பாக் தக்ரா மற்றும் தடகள சைக்கிள் பந்தயம் ஆகிய போட்டிப் பிரிவுகளில் கிடைத்தன.
