ஷா ஆலாம், செப். 28 – கம்போங் பாரு அம்பாங் சீனப்பள்ளியின் (SJKC) 100 மாணவர்களுக்குக் MPAJ Kasih திட்டத்தின் மூலம் சத்தான காலை உணவு வழங்கப்பட்டது. இந்த நிகழ்வு கடந்த செப்டம்பர் 22ஆம் தேதி நடைபெற்றது.
அம்பாங் ஜெயா மாநகர மன்றம் (MPAJ), உலு லங்காட் மாவட்ட சுகாதார அலுவலகம் (PKD) மற்றும் MPAJ குடியிருப்பாளர் குழு (JKP) ஆகியவற்றின் ஒத்துழைப்புடன் இத்திட்டம் முன்னெடுக்கப்பட்டது.
காலை உணவு தேவைப்படும் மாணவர்களுக்கு சத்தான உணவை வழங்குவதுடன், அவர்களின் நலன் மற்றும் கல்விச் செயல்பாட்டை ஆதரிப்பதே இத்திட்டத்தின் முக்கிய நோக்கமாகும்.
குழந்தைகளின் வளர்ச்சி மற்றும் கல்வியில் உணவின் முக்கியத்துவத்தை உறுதி செய்வதுடன், மாணவர்கள் சத்தான உணவைப் பெறும் வகையிலும் இத்திட்டம் செயல்படுத்தப்படுவதாக MPAJ தெரிவித்துள்ளது.
