கோலாலம்பூர், செப்.22 — இன்று மாலை ஜோகூர், பத்து பஹாட் கடற்பகுதியில் 4.4 ரிக்டர் அளவிலான மிதமான நிலநடுக்கம் ஏற்பட்டது.
அதன் அதிர்வுகள் ஜோகூர், மலாக்கா, நெகிரி செம்பிலான், சிலாங்கூர், புத்ராஜெயா மற்றும் கோலாலம்பூர் உள்ளிட்ட பகுதிகளில் உணரப்பட்டதாக மலேசிய வானிலை ஆய்வுத் துறை (MetMalaysia) தெரிவித்தது.
இந்த நிலநடுக்கத்தின் மையப்பகுதி பத்து பஹாட்டிலிருந்து சுமார் 27 கிலோமீட்டர் தென்மேற்கில் அமைந்திருந்ததாகவும் MetMalaysia குறிப்பிட்டுள்ளது.
நிலநடுக்கத்தால் ஏற்பட்ட அதிர்வுகள் தொடர்பான நிலைமையைத் தொடர்ந்து MetMalaysia கண்காணித்து வருகிறது.
அதிர்வுகளை உணர்ந்த பொதுமக்கள் தகவல்களைப் பதிவு செய்வதற்காக அத்துறையின் கேள்வித்தாளை நிரப்புமாறும் கேட்டுக்கொள்ளப்பட்டது.
