ஷா ஆலாம், செப்.21 — இன்று நண்பகல் 12 மணி நிலவரப்படி நாடு முழுவதும் 19 இடங்களில் காற்று மாசு குறியீடு (API) அளவு ஆரோக்கியமற்ற நிலையில் பதிவாகியுள்ளது. அவற்றில் சிலாங்கூரில் இரு பகுதிகளும் இடம்பெற்றுள்ளன.
காற்று மாசு குறியீடு மேலாண்மை அமைப்பான APIMS வெளியிட்டுள்ள தரவுகளின்படி, ஜோஹான் செத்தியா பகுதியில் API அளவு 153 ஆகவும், ஷா ஆலாம் பகுதியில் 132 ஆகவும் பதிவாகியுள்ளது. இதன் காரணமாக இரு பகுதிகளும் ‘ஆரோக்கியமற்ற’ காற்றுத் தரப் பிரிவில் இடம்பெற்றுள்ளன.
இதற்கிடையில் அதிகபட்ச API அளவு சரவாக்கில் பதிவாகியுள்ளது. கபிட் பகுதியில் 170 என்ற அளவு பதிவாகியுள்ள நிலையில், செரியான் மாவட்ட காவல்துறை தலைமையகம் (IPD Serian) பகுதியில் 167, ஸ்ரீ அமான் பகுதியில் 161, பிந்துலு மற்றும் சிபு ஆகிய இரு பகுதிகளிலும் தலா 159 என்ற அளவும் பதிவாகியுள்ளது.
புத்ராஜெயாவில் API அளவு 171 ஆகப் பதிவாகியுள்ளது. அதேவேளை, கோலாலம்பூரில் செராஸ் பகுதியில் 165 ஆகவும், பத்து மூடா பகுதியில் 162 ஆகவும் பதிவாகியுள்ளது.
இதனிடையே, நாடு முழுவதும் 43 கண்காணிப்பு நிலையங்களில் மிதமான அளவிலான காற்றுத் தரம் பதிவாகியுள்ளது. அவற்றில் சிலாங்கூரில் பந்திங் பகுதியில் API அளவு 98 ஆகவும், பெட்டாலிங் ஜெயாவில் 89 ஆகவும், கிள்ளானில் 89 ஆகவும், கோலா சிலாங்கூரில் 74 ஆகவும் பதிவாகியுள்ளது.
நாடு முழுவதும் ஆறு பகுதிகளில் காற்றுத் தரம் நல்ல நிலையில் பதிவாகியுள்ளது. அவற்றில் பெர்லிஸின் கங்கார் பகுதியில் API அளவு 49 ஆகப் பதிவாகியுள்ளது. அதைத் தொடர்ந்து பேராக்கில் தாசெக் ஈப்போவில் 46 ஆகவும், செரி மஞ்சுங் பகுதியில் 44 ஆகவும் பதிவாகியுள்ளது.
பினாங்கில் பாலிக் புலாவ் பகுதியில் 37 ஆகவும், திரங்கானுவில் பெசுட் பகுதியில் 36 ஆகவும், கெடாவில் லங்காவி பகுதியில் 35 ஆகவும் API அளவுகள் பதிவாகியுள்ளன.
