அலோர் காஜா, செப்.21 — டுரியான் துங்கால், தாமான் இனாங் சாரியில் காருக்குள் சடலங்களாகக் கண்டெடுக்கப்பட்ட 31 வயது ஆடவர் மற்றும் 33 வயது பெண்ணின் பிரேதப் பரிசோதனை நிறைவடைந்துள்ளது.
அலோர் காஜா மாவட்ட காவல்துறைத் தலைவர் சூப்பிரிடெண்டன் அக்மாட் அபு பக்கார் கூறுகையில், நேற்று மேற்கொள்ளப்பட்ட பிரேதப் பரிசோதனை நிறைவடைந்த நிலையில், அதன் முழுமையான முடிவுகள் பரிசோதனை அறிக்கைகள் கிடைத்த பின்னரே தெரியவரும் என்றார் அலோர் காஜா மாவட்ட காவல்துறைத் தலைவர் சூப்பிரிடெண்டன் அக்மாட் அபு பக்கார்.
31 வயதான ஆடவரின் சடலத்தை அவரது தாயாரும், 33 வயதான பெண்ணின் சடலத்தை அவரது சகோதரரும் நேற்று இரவு சுமார் 11 மணியளவில் பெற்றுக்கொண்டதாக அவர் தெரிவித்தார்.
இச்சம்பவம் தொடர்பான ஆரம்பகட்ட காவல்துறை விசாரணையில், இருவரும் குற்றச் செயலுக்கு இலக்கானதற்கான எந்தவொரு அறிகுறியும் இதுவரை கண்டறியப்படவில்லை.
குறிப்பாக, அவர்கள் கொள்ளையடிக்கப்பட்டதற்கான அல்லது இருவருக்கும் இடையே மோதல் அல்லது கைகலப்பு ஏற்பட்டதற்கான எந்தவொரு தடயமும் ஆரம்ப விசாரணையில் தென்படவில்லை என காவல்துறை தெரிவித்துள்ளது.
எனினும், இருவரின் மரணத்திற்கான காரணத்தை உறுதிப்படுத்த ஆய்வகப் பரிசோதனை முடிவுகள் முக்கியமானதாக இருக்கும் நிலையில், விசாரணை தொடர்ந்து நடைபெற்று வருகிறது.
