கோலாலம்பூர், செப் 20 - பொது மக்களை ஏமாறச் செய்யும் மற்றும் விதிமுறைகளை மீறிய சுகாதாரம் தொடர்பான இணைய விளம்பரங்கள் குறித்த புகார்களை , மலேசிய தொடர்பு பல்லூடக ஆணையம் (MCMC )கவனிக்கும்.
நேற்று கோலாலம்பூரில், மருத்துவ சங்கங்களுடனும் , சுகாதார நிபுணர்களுடனும் நடத்தப்பட்ட சந்திப்பில் , அந்த கவலை குறித்து முன் வைக்கப்பட்டதாக, தொடர்பு அமைச்சர் டத்தோ ஸ்ரீ ஃபாஹ்மி ஃபட்சில் தெரிவித்தார்.
முன்னதாக, மருத்துவ நிபுணர்களிடமிருந்து கருத்துகளையும், பரிந்துரைகளையும் , பிரச்சனைகளையும் நேரில் கேட்டறிவதற்காக அந்த சந்திப்பு நடத்தப்பட்டதாக ஃபாஹ்மி , தமது பேஸ்புக் பக்கத்தின் மூலம் தெரிவித்தார்.
