மணிலா, ஆகஸ்ட் 5 — இன்று பிலிப்பைன்ஸின் மிண்டானாவ் பகுதியில் 6.3 ரிக்டர் அளவிலான வலுவான நிலநடுக்கம் ஏற்பட்டதாக மலேசிய வானிலை ஆய்வு மையம் (மெட்மலேசியா) தெரிவித்துள்ளது.
பிற்பகல் 12.14 மணிக்கு (0414 GMT) சரங்கனி சிறிய தீவிலிருந்து தென்மேற்கே 32 கிமீ (சுமார் 20 மைல்) தொலைவில் இந்த நிலநடுக்கம் மையம் கொண்டிருந்தது.
எனினும், இதனால் சுனாமி எச்சரிக்கை எதுவும் விடுக்கப்படவில்லை. உயிர்சேதமோ அல்லது பொருட்சேதமோ ஏற்பட்டதாக எந்தத் தகவலும் வெளியாகவில்லை.
உள்ளூர் அரசாங்கம் நிதியுதவி வழங்கிக் கொண்டிருந்த வேளையில் நிலநடுக்கம் ஏற்பட்டதால் பலர் சம்பவ இடத்தில் இருந்தனர், ஆனால் அனைவரும் பாதுகாப்பாக உள்ளனர் என்று தெரிவிக்கப்பட்டது.
கடந்த ஜூன் 8 அன்று, குறைந்தது 76 பேர் கொல்லப்பட்ட சக்திவாய்ந்த நிலநடுக்கத்தைத் தொடர்ந்து இந்த நிலநடுக்கம் ஏற்பட்டுள்ளது.
