ஜொகூர் பாரு, ஜூன் 21: 16-வது ஜொகூர் மாநிலத் தேர்தலில் போட்டியிடவிருக்கும் பக்காத்தான் ஹரப்பான் கூட்டணியின் வேட்பாளர்களின் விபரங்கள் நாளை வெளியிடப்படும்.
தங்காக்,புக்கிட் கம்பிரில் நடைபெறும் அந்த வேட்பாளர் அறிவிப்பு நிகழ்ச்சியில் டத்தோ ஸ்ரீ அன்வர் இப்ராஹிம் கலந்து கொள்ளவிருக்கிறார்.
பக்காத்தான் ஹரப்பான் கூட்டணி தலைவர்களுடன் இணைந்து வேட்பாளர் அறிவிப்பு செய்யப்படவிருப்பதை அவர் தமது முகநூல் பதிவில் குறிப்பிட்டார்.
மாநில வளர்ச்சிக்கும் மக்கள் நலனுக்காகவும் நேர்மையாக, திறமையாக, கடினமாக உழைக்கக்கூடிய தலைமைத்துவத்தைப் பெற ஜோகூர் தகுதி பெற்றுள்ளது என பக்காத்தான் ஹரப்பான் தலைவருமான அவர் கூறினார்.
ஜொகூர் மாநிலத் தேர்தலில் போட்டியிடவிருக்கும் பக்காத்தான் ஹரப்பானின் வேட்பாளர் அறிவிப்பு நிகழ்ச்சி நாளை இரவு 8 மணிக்கு தாங்காக், புக்கிட் கம்பிர் மைதானத்தில் நடைபெற உள்ளது.
ஜோகூர் மாநிலத் தேர்தல் ஜூலை 11-ஆம் தேதி நடைபெறும்.
