ஷா ஆலம், ஏப்ரல் 24: பல்கலைக்கழக வளாகங்களுக்கு வெளியே தங்கிப் படிக்கும் மாணவர்களின் பயணத்தை எளிதாக்கும் வகையில், பல்கலைக்கழகங்கள் மற்றும் கல்லூரிகளுக்கு அருகிலுள்ள பகுதிகளுக்கும் தேவைக்கேற்ப போக்குவரத்து சேவையை (DRT) விரிவுபடுத்த வேண்டும் என்று பாலாகோங் சட்டமன்ற உறுப்பினர் பரிந்துரைத்துள்ளார்.
காஜாங் நகராண்மைக் கழகத்தின் (MPKJ) நிர்வாகப் பகுதியில் அதிக எண்ணிக்கையிலான எம்.ஆர்.டி (MRT) ரயில் நிலையங்கள் இருப்பதால் இந்த நடவடிக்கை மிகவும் முக்கியமானது என்று வேய்ன் ஓங் சுன் வெய் கூறினார்.
அப்பகுதிகளில் போக்குவரத்து அணுகல் மற்றும் இணைப்பை மேம்படுத்த கூடுதல் துணைச் சேவைகளுக்கான தேவை உள்ளது என்றும் அவர் குறிப்பிட்டார்.
"பல்கலைக்கழகம் அல்லது கல்லூரிப் பகுதிகளில் டி.ஆர்.டி சேவை விரிவுபடுத்தப்பட்டால், வளாகத்திற்கு வெளியே தங்கியிருக்கும் மாணவர்கள் விரிவுரைகளுக்குச் செல்வது எளிதாக இருக்கும்," என்றார்.
சிலாங்கூர் மாநில சட்டமன்றத்தில் (DNS) மாட்சிமை தங்கிய சிலாங்கூர் சுல்தானின் உரைக்கு நன்றி தெரிவிக்கும் தீர்மானத்தின் மீது உரையாற்றியபோது அவர் இவ்வாறு கூறினார்.
அதேவேளையில், சிலாங்கூர் மாநிலத்தின் மீட்சித் திறனை வலுப்படுத்தும் தொகுப்புத் திட்டத்தின் கீழ் ஆறு மாதங்களுக்கு வழங்கப்படும் 30 வெள்ளி மாதாந்திர மானியம், பொதுப் போக்குவரத்தைப் பயன்படுத்த மக்களை ஊக்குவிப்பதுடன், எரிபொருள் பயன்பாட்டைக் குறைக்கும் ஒரு சிறந்த முயற்சி என்றும் சுன் வெய் விவரித்தார்.
"இது நாட்டின் எரிபொருளை பாதுகாக்கவும் உதவும். முதல் மற்றும் கடைசி மைல் இணைப்பை விரிவுபடுத்துவதற்காக, போக்குவரத்துக்கான நிலையான செயற்குழு (Standco) முக்கிய டி.ஆர்.டி வேன் சேவை நிறுவனங்களுடன் இணைந்து பணியாற்றி வருவதாகவும் நான் அறிகிறேன்.
"தற்போதுள்ள போக்குவரத்து வலையமைப்பு வலுப்படுத்தப்படாவிட்டால், வழங்கப்படும் மானியம் பொதுப் போக்குவரத்துப் பயன்பாட்டை அதிகரிப்பதில் பெரிய தாக்கத்தை ஏற்படுத்தாது. எனவே, இந்த இணைப்பு விரிவாக்கம் மிகவும் அவசியமானதாகும்," என்று அவர் மேலும் கூறினார்.
பல்கலைக்கழகப் பகுதிகளில் டிஆர்டி (DRT) சேவையை விரிவுபடுத்தக் கோரிக்கை
24 ஏப்ரல் 2026, 3:24 AM
Suka
Marah
Sedih
Lucu
Tidak Suka
தொடர்புடைய செய்திகள்
selangor
சிலாங்கூரில் DRT சேவை தோல்வியல்ல; வேன் பற்றாக்குறையே முக்கிய சவால்: ஆட்சிக்குழு உறுப்பினர்
Yasmin Ramlan
16 அக்டோபர் 2026

selangor
சிலாங்கூர் 30 ரிங்கிட் பொதுப் போக்குவரத்து மானியத்தை Rapid On-Demand சேவைக்கும் பயன்படுத்தலாம்
Media Selangor Team
11 ஆகஸ்ட் 2026

selangor
லெம்பா ஜெயா மக்களிடையே அமோக வரவேற்பைப் பெற்ற 'DRT' வேன் சேவை
Shalini Rajamogun, Anna Farina Abdul Rauf
15 மே 2026

selangor
NutriSel திட்டம் அடுத்தாண்டும் தொடர்ந்து செயல்படுத்தப்படும்
Teh Athira Yusof
13 நவம்பர் 2026

வகைselangor
உங்கள் கருத்து என்ன?



