கோலாலம்பூர், பிப். 23: சமூக ஊடகங்களில் வைரலாகி வரும் ரமலான் உதவி மற்றும் மின்-பணக் கோரிக்கைகள் தொடர்பான எந்தத் திட்டத்தையும் அறிவிக்கவில்லை என்று நிதி அமைச்சகம் வலியுறுத்தியுள்ளது.
பிரதமரின் படத்துடன் கூடிய “ஒரு முறை ரமலான் உதவி RM500” என்ற சுவரொட்டி போலியானது என நிதி அமைச்சகம் தெரிவித்துள்ளது.
“சந்தேகத்திற்குரிய இணைப்புகளைக் கிளிக் செய்ய வேண்டாம்; அங்கீகரிக்கப்படாத ஆதாரங்களுடன் தனிப்பட்ட தகவல்களைப் பகிர வேண்டாம்; அமைச்சின் அதிகாரப்பூர்வ தளங்கள் மூலம் எப்போதும் தகவல்களைச் சரிபார்க்க வேண்டும்” என்று பொதுமக்களுக்கு அறிவுறுத்தப்பட்டுள்ளது.
மேலும், www.mof.gov.my என்ற வலைத்தளம் மற்றும் அமைச்சகத்தின் அதிகாரப்பூர்வ சமூக ஊடகங்கள் மூலம் உண்மையான தகவல்களைப் பெறுமாறு பொதுமக்களுக்கு நினைவூட்டப்பட்டுள்ளது.
-- பெர்னாமா
