வாய்ப்பை தவற விடாதீர்கள்! ஐந்து இடங்களில் இன்று மலிவான விலையில் கோழி மற்றும் அரிசி விற்பனை

ஷா ஆலம், ஜூலை 6: சிலாங்கூர் வேளாண் மேம்பாட்டுக் கழகத்தால் (PKPS) ஏற்பாடு செய்யப்பட்ட ரஹ்மா விற்பனை திட்டம் (JER) இன்று ஐந்து இடங்களில் நடைபெறுகிறது.

இந்த மலிவு விற்பனையில் ஒரு கோழி 12.00 வெள்ளிக்கும்,  ஒரு தட்டு பி கிரேட் முட்டை 10.00 வெள்ளிக்கும், இறைச்சி ஒரு பாக்கெட் 10.00 வெள்ளிக்கும், கெம்போங் மீன் ஒரு பாக்கெட் 6.00 வெள்ளிக்கும், 5 கிலோ சமையல் எண்ணெய் 2 கிலோ 10.00 வெள்ளிக்கும், 5 கிலோ அரிசி 13.00 வெள்ளிக்கும் விற்கப்படுகிறது.

மேலும், இந்த விற்பனையில் புதிதாக சார்டின் (வெ.5.50), பீகூன் (வெ.2.50), சோள பிஸ்கட் (வெ.3.00), சலவை சோப்பு (வெ.16.00) மற்றும் குழந்தைகளுக்கான பெம்பர்ஸ் (வெ.12.00) ஆகிய பொருள்கள் விற்பனைக்கு வைக்கப்பட்டுள்ளன.

இன்று காலை  9.00 மணி முதல்  மதியம் 1 மணி வரை ரவாங், லெம்பா ஜெயா, சுங்கை ரமால், பாயா ஜெராஸ் ஆகிய சட்டமன்ற தொகுதிகளிலும், மாலை  4.00 மணி முதல் 7.00 மணிவரை பத்து தீகா தொகுதியில் நடைபெறும்.  இடங்கள் குறித்த துல்லியமான தகவல்களுக்கு  இணைக்கப்பட்டுள்ள பட்டியலை  கவனிக்கவும்.

ஞாயிற்றுக்கிழமை ஜே. இ. ஆர் இடம் இங்கே

இவ்வாண்டு இந்த மலிவு விற்பனை நடத்துவதற்கு மாநில அரசு 2025ஆம் ஆண்டு வரவு செலவுத் திட்டத்தில் 3 கோடி வெள்ளியை ஒதுக்கீடு செய்துள்ளது. குறைந்த வருமானம் பெறும் தரப்பினர் எதிர்நோக்கும் வாழ்க்கைச் செலவின அதிகரிப்பை குறைப்பதில் மாநில அரசு காட்டி வரும் அக்கறையை இந்த திட்டம் புலப்படுத்துவதாக உள்ளது.

இவ்வாண்டு இறுதிக்குள் மேலும் பத்து ஏஹ்சான் மார்ட் பல்பொருள் கடைகளைத் திறக்க பி.கே.பி.எஸ். திட்டமிட்டுள்ளது.  தற்போது சுங்கை துவா மற்றும் பண்டான் இண்டா ஆகிய இடங்களில் இந்த கடைகள் திறக்கப் பட்டுள்ள வேளையில்  உலு கிளாங்கில் இதன் கிளை விரைவில் திறக்கப் படவுள்ளது.

பி.கே.பி.எஸ். ஏற்பாட்டில் நடத்தப்படும் இந்த  கடைகளில் அத்தியாவசிய பொருட்கள் சந்தையை விட 10 முதல் 15 விழுக்காடு குறைந்த விலையில் விற்கப்படுகிறது.

ஏஹ்சான் ரஹ்மா மலிவு விற்பனைத் திட்டத்தை தரம் உயர்த்தும் முயற்சியாக இந்த ஏஹ்சான் மார்ட் கடைகளை மாநிலத்தில் உள்ள அனைத்து 56 சட்டமன்றத் தொகுதிகளிலும் திறக்க மாநில அரசு திட்டமிட்டுள்ளது.

ஏஹ்சான்  ரஹ்மா மலிவு விற்பனை தொடர்பான விபரங்களை பி.கே.பி.எஸ். அகப்பக்கம் மூலமாகவும் போஸ்டரில் இடம் பெற்றுள்ள கியூ.ஆர். குறியீட்டை ஸ்கேன் செய்வதன் வாயிலாகவும் அல்லது http://linktr.ee/myPKPS  என்ற அகப்பக்கத்தின் மூலமாகவும்  அறிந்து கொள்ளலாம்.