ஷா ஆலம், டிசம்பர் 16: பதவி காலம் முடியும் வரை சிலாங்கூரை தொடர்ந்து ஆட்சி செய்வதற்கான மந்திரி புசாராக டத்தோ ஸ்ரீ அமிருடின் ஷாரி செயல்பட வேண்டும் என்பதை சிலாங்கூர் பெண்கள் முழுமையாக ஆதரிக்கின்றனர்.
மாநில நிர்வாகம் சிறப்பாக செயல்படுவதை உறுதி செய்வதற்காக சிலாங்கூர் சுல்தானின் (டி. ஒய். எம். எம்) ஆலோசனையின் அடிப்படையில் இந்த ஆதரவு வழங்கப்படுவதாக அதன் தலைவர் ரோசானா ஜைனல் அபிடின் கூறினார்.
சிலாங்கூர் மகளிர் பிரிவின் தலைவர் ரோசானா ஜைனல் அபிடின்
"மாநிலத்தின் ஸ்திரத்தன்மை மற்றும் நல்லிணக்கத்தை உறுதி செய்வதற்கும், அதன் மூலம் நிலையான வளர்ச்சியின் தொடர்ச்சியை உறுதி செய்வதற்கு இந்த விஷயம் முக்கியமானது".என்றார்.
"இந்த உறுதிப்பாடு மாநில அரசு எக்ஸ்கோ மற்றும் பிற மாநில சட்டமன்ற உறுப்பினர்களுடன் இணைந்து வலுவாக நிலைநிறுத்தப்படும் என்றும் பெண்கள் நம்புகிறார்கள்" என்று அவர் இன்று ஒரு அறிக்கையில் தெரிவித்துள்ளார்.
பொருளாதாரம், உள்ளடக்கிய கொள்கைகளை அறிமுகப்படுத்துதல் மற்றும் மக்களுக்கு பயனளிக்கும் உள்கட்டமைப்பை மேம்படுத்துதல் ஆகியவற்றின் அடிப்படையில் 2018 முதல் மாநிலத்தை வழிநடத்துவதில் அமிருடின் சிறந்து விளங்கியதாகவும் ரோசானா விவரித்தார்.
சமீபத்தில், அம்னோ உச்சமன்ற உறுப்பினர் தெங்கு ஸப்ருள் அப்துல் அஜிஸ் விரைவில் கெஅடிலானில் சேர்ந்து சிலாங்கூரில் மந்திரி புசார் பதவிக்கு வருவார் என்று ஊகங்கள் எழுந்துள்ளன.
எவ்வாறாயினும், மாநிலம் நிலையானதாகவும் இணக்கமாகவும் இருப்பதை உறுதி செய்வதற்காக, பதவிக் காலம் முடியும் வரை தொடர்ந்து ஆட்சி செய்யுமாறு சுல்தான் ஷராபுடின் இட்ரிஸ் ஷா அல்ஹாஜ் தனக்கு அறிவுறுத்தியதாக அமிருடின் நேற்று தெரிவித்தார்.
