கோம்பாக், 4 அக்: 2026 ஆம் ஆண்டுக்குள் மொத்தம் 50,000 வர்த்தகர்கள் சிலாங்கூர் பிளாட்ஃபார்மில் (PLATS) சேர இலக்கு நிர்ணயிக்கப் பட்டுள்ளது, இது அவர்களின் விற்பனையை அதிகரிக்க உதவும் மாநில அரசின் முயற்சியாகும்.
கோவிட்-19 தொற்றுநோய் பரவியதைத் தொடர்ந்து 2020 முதல் அறிமுகப்படுத்தப்பட்ட அத்தளத்தில் இதுவரை 40,000 க்கும் மேற்பட்ட வர்த்தகர்கள் இணைந்துள்ளனர் என்று டத்தோ மந்திரி புசார் கூறினார்.
"இந்த தளத்தின் மூலம், மாநில அரசு அவர்களுக்கு விற்பனைப் பொருட்களை, குறிப்பாக உணவு பொருட்களை பொதுமக்களுக்கு விளம்பரப்படுத்தவும் அறிமுகப்படுத்தவும் உதவ முடியும்.
"டிஜிட்டல் வணிகத்திற்கு மாறுவதற்கு வணிகர்களுக்கு உதவுவது மட்டுமல்லாமல், நவீன தொழில்நுட்பத்தின் வழி வணிக அறிவையும் மேம்படுத்துகிறோம்" என்று டத்தோஸ்ரீ அமிருடின் ஷாரி கூறினார்.
சிலாங்கூர் டிஜிட்டல் பொருளாதார தகவல் தொழில்நுட்பக் கழகம் ஏற்பாடு செய்த சிலாங்கூர் 1000 டிஜிட்டல் திட்டத்தின் ஐந்தாவது (இறுதி) தொடரை இன்று மெர்க்யூர் ஹோட்டலில் நடத்தும் போது அவருடன் நடந்த சந்திப்பில் கூறினார்.
முதன் முதலில் 'பிலாட்ஸ்' ரமலான் 2020 இல் அறிமுகப்படுத்தப் பட்டது, அது சிலாங்கூர் டிஜிட்டல் மயமாக்கல் நிகழ்ச்சி நிரல் சுற்றுச்சூழலை நிறைவு செய்வதை நோக்கமாகக் கொண்டுள்ளது மேலும் ஒரு வருடம் கழித்து, வணிகர்கள் 24 மணி நேரமும் வருமானம் ஈட்ட உதவும் வகையில் PLATS 2.0 மேம்படுத்தப் பட்டது.
பெர்மோடாலன் நெகிரி சிலாங்கூர் பெர்ஹாட் (பிஎன்எஸ்பி) மற்றும் ரக்கான் டிஜிட்டல் சிலாங்கூர் (ஆர்டிஎஸ்) ஆகியவற்றின் ஒத்துழைப்பை உள்ளடக்கிய 3.0 தொடர் மெய்நிகர் தளம் ஏப்ரல் 2022 இல் தொடரும்.
