ஷா ஆலம், ஜன 6: ஷா ஆலம் சிட்டி கவுன்சில் (எம்பிஎஸ்ஏ) நாளை பிளாசா மசாலாம் பிரிவு 9 வாகன நிறுத்துமிடத்தில் நடமாடும் அலுவலக சேவையை வழங்குகிறது.
ஷா ஆலம் ஆன் வீல்ஸ் (SAOW) சேவை காலை 11 மணி முதல் மாலை 5 மணி வரை வழங்கப்படும் என்று கார்ப்பரேட் மற்றும் மக்கள் தொடர்புப் பிரிவின் தலைவர் தெரிவித்தார்.
"வார இறுதி நாட்களில் மக்கள் கவுண்டருக்கு வராமல் எளிதாக அவர்களின் பணிகளைக் கையாள்வதற்காக எம்பிஎஸ்ஏ வழங்கிய தளமாக இது கருதப்படுகிறது.
"இந்த நடமாடும் அலுவலகத்தில் பொதுமக்கள் மதிப்பீட்டு வரி மற்றும் வாகன நிறுத்துமிட சம்மன்களை சரி பார்த்து அவற்றை செலுத்த முடியும். மேலும், புகார்களையும் தெரிவிக்க இயலும்.
இதன் மூலம் சமூகத்தின் நலனுக்காக ஷா ஆலம் சிட்டி கவுன்சில் சேவை முறையை மேலும் வலுப்படுத்த முடியும் என நம்பப்படுகிறது.
