கோலாலம்பூர், டிச 8: தற்போது RON97 பெட்ரோலின் விலை லிட்டருக்கு RM3.85யிலிருந்து 10 சென் குறைந்து RM3.75 ஆக உள்ளது, அதே நேரத்தில் RON95 பெட்ரோல் மற்றும் டீசல் ஆகியவற்றின் விலை நேற்று தொடங்கி டிசம்பர் 14 வரை மாறாமல் இருக்கும்.
நிதி அமைச்சகம், இன்று வெளியிட்டுள்ள அறிக்கையில், RON95 மற்றும் டீசலின் உச்சவரம்பு விலைகள் லிட்டருக்கு முறையே RM2.05 மற்றும் RM2.15 ஆக இருக்கும் எனவும் இரண்டு பொருள்களின் சந்தை விலை தற்போதைய உச்சவரம்பு விலையை விட அதிகமாக உள்ளது எனவும் குறிப்பிட்டார். RON97 பெட்ரோலின் விலை தற்போதையச் சந்தை விலை நகர்வுக்கு ஏற்பக் குறைக்கப்பட்டுள்ளது.
"உலக கச்சா எண்ணெய் விலையில் ஏற்படும் மாற்றங்களின் தாக்கத்தை அரசாங்கம் தொடர்ந்து கண்காணித்து, மக்களின் நல்வாழ்வு பராமரிக்கப்படுவதை உறுதிசெய்ய தகுந்த நடவடிக்கைகளை எடுக்கும்" என்று அந்த அறிக்கையில் தெரிவிக்கப்பட்டுள்ளது.
– பெர்னாமா
