கோலாலம்பூர், நவ 27: மக்கள் மீது அழுத்தத்தை ஏற்படுத்தும் வாழ்க்கைச் செலவு பிரச்சனையை மையமாக வைத்து, பிரதமர் டத்தோ ஸ்ரீ அன்வார் இப்ராகிம் இன்று புத்ராஜெயாவில் அரசுத் துறைகள் மற்றும் நிறுவனங்கள் உடன் சந்திப்பு ஒன்றை நடத்தவுள்ளார்.
நேற்று பேஸ்புக் மற்றும் ட்விட்டரில் அவர் இந்த விஷயத்தை தெரிவித்தார்.
"நாளை (இன்று) காலை 11 மணிக்கு புத்ராஜெயாவில் அரசு துறைகள் மற்றும் நிறுவனங்கள் உடனான சந்திப்பு நடைபெறவுள்ளது, இது மக்கள் மீது அழுத்தத்தை ஏற்படுத்தும் வாழ்க்கைச் செலவு பிரச்சினை குறித்து கவனம் செலுத்தும்," என்று அவர் கூறினார்.
இன்று புத்ராஜெயாவில் உள்ள பங்குனான் பெர்டானா புத்ரா வில் 2022ல் நடைபெறும் தேசிய வாழ்வாதார நடவடிக்கை கவுன்சில் சிறப்புக் கூட்டத்தில் அன்வார் கலந்து கொள்ள உள்ளார்.
