பாசிர் மாஸ், செப்டம்பர் 19: இந்த ஆண்டு வடகிழக்கு பருவமழைக்கு வாய்ப்புள்ள நிலையில், நாடு முழுவதும் வெள்ளப் பேரிடர் மேலாண்மைக்காக மத்திய மற்றும் மாநில அரசுகள் சமூக நலத்துறைக்கு (ஜேகேஎம்) கிட்டத்தட்ட 3.2 கோடி ரிங்கிட் ஒதுக்கீடு செய்துள்ளது.
பெண்கள், குடும்பம் மற்றும் சமூக மேம்பாட்டு துணை அமைச்சர் டத்தோ சித்தி ஜைலா முகமது யூசாஃப், தேசிய பேரிடர் மேலாண்மை நிறுவனம் (நட்மா) நாடு முழுவதும் தயார்நிலை திட்டங்களை செயல்படுத்த ஜேகேஎம் க்கு RM140,000 ஒதுக்கீடு செய்துள்ளது என்றார்.
"கிளந்தானில் உள்ள 442 பிபிஎஸ் உட்பட, நாடு முழுவதும் நாங்கள் 6,010 தற்காலிக இடமாற்ற மையங்களை (பிபிஎஸ்) தயார் செய்து வருகிறோம்," என்று அவர் இன்று, இங்குள்ள மாரா உயர்கல்வி கல்லூரியில் பிபிஎஸ் மேலாண்மை பயிற்சி மற்றும் பட்டறைகளை நடத்திய பிறகு கூறினார்.
எட்டு பேரிடர் சேமிப்பு கிடங்குகள் (DSKB), 193 மாநிலம், மாவட்ட பேரிடர் சேமிப்பு மற்றும் மினி கொள்கலன் டிப்போக்கள் மற்றும் 518 முன் ஏற்பாடு தளங்களில் பேரிடர் பொருட்களின் திறனை ஜேகேஎம் அதிகப்படுத்தியுள்ளது.
