கோலாலம்பூர், ஜூலை 19: 2023 ஆம் ஆண்டு ஆசியக் கிண்ணப் போட்டியை நடத்துவதற்கு சீனாவுக்குப் பதிலாக ஆஸ்திரேலியா, இந்தோனேசியா, தென் கொரியா மற்றும் கத்தார் ஆகிய நாடுகள் விருப்பங்களை தெரிவித்துள்ளதாக ஆசிய கால்பந்து கூட்டமைப்பு (ஏஎஃப்சி) உறுதி செய்துள்ளது.
இந்த ஆண்டு மே மாதம், கோவிட்-19 தொற்றுநோயைத் தொடர்ந்து 2023 ஆசியக் கிண்ணத்தை நடத்துவதில் இருந்து சீனா கால்பந்து சங்கம் (CFA) விலகுவதாக அறிவித்தது.
2023 ஆசிய கிண்ணப் போட்டியை நடத்துவதற்கான ஏலத்தை சமர்ப்பிப்பதற்கான அசல் காலக்கெடு கடந்த மாத இறுதியில் முடிவடைந்தது, ஆனால் அது ஜூலை 15 வரை நீட்டிக்கப்பட்டது.
ஆசிய கால்பந்தாட்டத்தின் ஏற்பாட்டு குழுவான ஏஎஃப்சி நேற்று வெளியிட்ட அறிக்கையில், 24 அணிகள் கொண்ட போட்டிக்கான புரவலர்களை அதன் செயற்குழு அக்டோபர் 17ஆம் தேதி அறிவிக்கும் என்று தெரிவித்துள்ளது.
2023 ஆசிய கிண்ணப் போட்டிக்கு தகுதி பெற்ற 24 அணிகளில் மலேசியாவும் உள்ளது.
