கோலாலம்பூர், பிப் 28: நாட்டில் தேசியச் சிறார்கள் கோவிட்-19 நோய்த்தடுப்புத் திட்டத்தின் (பிக்கிட்ஸ்) மூலம் நேற்று 5 முதல் 11 வயதுடைய சிறார்களில் 846,486 பேர் அல்லது மக்கள் 23.8 விழுக்காட்டினர் முதல் டோஸ் கோவிட்-19 தடுப்பூசியைப் பெற்றுள்ளனர்.
கோவிட்நவ் இணையதளம் மூலம் தரவுகளின் அடிப்படையில், நாட்டில் மொத்தம் 1 கோடியே 45 லட்சத்து 78 ஆயிரத்து 408 பேர் அல்லது 62.0 விழுக்காட்டினர் கோவிட்-19 ஊக்கத் தடுப்பூசியைப் பெற்றுள்ளனர் மற்றும் மொத்தம் 2 கோடியே 29 லட்சத்து 48 ஆயிரத்து 424 பேர் அல்லது 97.5 விழுக்காட்டினர் முழுமையான தடுப்பூசியைப் பெற்றுள்ளனர், அதே நேரத்தில் 2 கோடியே 32 லட்சத்து 28 ஆயிரத்து 204 பேர் அல்லது 98 விழுக்காட்டினர் குறைந்தது ஒரு டோஸ் தடுப்பூசியைப் பெற்றுள்ளனர்.
12 முதல் 17 வயதுடைய இளையோரில், மொத்தம் 28 லட்சத்து 661 பேர் அல்லது 90 விழுக்காட்டினர் தடுப்பூசிகளை முழுமையாகப் பெற்றுள்ளனர், அதே நேரத்தில் 28 லட்சத்து 94 ஆயிரத்து 898 பேர் அல்லது 93 விழுக்காட்டினர் குறைந்தபட்சம் ஒரு டோஸ் தடுப்பூசியைப் பெற்றுள்ளனர்.
42,144 முதல் டோஸ் ஊசிகள், 537 இரண்டாவது டோஸ் ஊசிகள் மற்றும் 58,455 பூஸ்டர் டோஸ் ஊசிகள் உட்பட மொத்தம் 101,136 தடுப்பூசிகள் நேற்று வழங்கப்பட்டன, தேசியக் கோவிட்-19 நோய்த்தடுப்புத் திட்டத்திற்கான தடுப்பூசிகளின் ஒட்டுமொத்த எண்ணிக்கை 6 கோடியே 70 லட்சத்து 89 ஆயிரத்து 834 ஆக அதிகரித்துள்ளது.
இதற்கிடையில், சுகாதார அமைச்சகத்தின் கிட்ஹப் போர்ட்டலின் படி, கோவிட்-19 காரணமாக 40 இறப்புகள் நேற்று பதிவு செய்யப்பட்டுள்ளன.
- பெர்னாமா
