ஷா ஆலம், நவ 20- சுபாங் ஜெயா சட்டமன்றத் தொகுதியில் உள்ள வீடமைப்பு பகுதி ஒன்றில் பூப்பந்து மைதானம் அமைக்க சுமார் இருபதாயிரம் வெள்ளி ஒதுக்கீடு செய்யப்பட்டது.
குடியிருப்பாளர் சங்கத்தின் வேண்டுகோளின் பேரில் யு.எஸ்.ஜே. 17இல் அந்த விளையாட்டு மைதானம் அமைக்கப்பட்டதாக சுபாங் ஜெயா சட்டமன்ற உறுப்பினர் இங் மேய் ஸி கூறினார்.
சுமார் 19,956.60 வெள்ளி மதிப்பிலான அந்த பூப்பந்து மைதானத்தின் கட்டுமானப் பணி இம்மாதம் 2ஆம் தேதி முழுமையடைந்ததாக அவர் மேலும் குறிப்பிட்டார்.
மொத்தம் 113 வீடுகளை உள்ளடக்கிய அந்த குடியிருப்பில் அண்டை அயலார் நட்புறவை வளர்க்கவும் உடலாரோக்கியத்தைப் பேணவும் இந்த விளையாட்டு மைதானம் பெரிதும் துணை புரியும் என்று அவர் நம்பிக்கைத் தெரிவித்தார்.
இந்த விளையாட்டு மைதானத்தைப் பயன்படுத்தும் போது கோவிட்-19 பெருந்தொற்று மற்றும் நிபந்தனையுடன் கூடிய நடமாட்டக் கட்டுப்பாட்டு ஆணை ஆகியவற்றைக் கருத்தில் கொண்டு விதிமுறைகளை முறையாக பின்பற்றி நடக்கும்படியும் பொதுமக்களை அவர் கேட்டுக் கொண்டார்.
