ஷா ஆலம், ஆகஸ்ட் 29:
டாரூல் எசான் கல்லூரி நடத்திய ஆய்வில் 82% வாக்காளர்கள் பொருட்கள் மற்றும் சேவை வரி (ஜிஎஸ்டி) அமலாக்கத்தால் வாழ்க்கை செலவீனங்கள் உயர்ந்துள்ளது என்று ஒத்துக் கொண்டுள்ளனர். 14-வது பொதுத் தேர்தலையொட்டி நடத்தப்பட்ட #மூட்ராக்யாட் ஆய்வில் மேற்கண்டவாறு தெரியவந்துள்ளது.
மேற்கண்ட ஆய்வில் 12,082,403 வாக்காளர்களில் இருந்து 4,486 பேரிடம் கேள்விகள் கேட்கப் பட்டதாகவும், அதில் 42% பேர்கள் சரி என்று ஒத்துக் கொண்ட நிலையில், மேலும் 40% மிகவும் சரியான காரணம் என்று கூறியதாகவும், 10% ஜிஎஸ்டியினால் என்ற காரணம் அவ்வளவு சரியானது இல்லை என்றும், 5% சரியான காரணமில்லை என்றும் மற்றும் 3% இது காரணமே அல்ல என்று தெரிவித்ததாக கண்டு பிடிக்கப் பட்டுள்ளது.
மேற்கண்ட ஆய்வுகள் கடந்த 11 ஆகஸ்ட் தொடங்கி 16 ஆகஸ்ட் வரை நடந்ததாகவும் பொருளாதாரம் மிக முக்கிய காரணியாக மலேசியர்கள் கருதுகிறார்கள் என்று தெரிவிக்கப்பட்டுள்ளது.
76% வாக்காளர்கள் தங்களுக்கு பணவீக்கம் மிகவும் முக்கியமான ஒன்று என்றும், 47% பேர்கள் வாழ்க்கை செலவீனங்கள் என்றும், 27% ஏழ்மை நிலை மற்றும் சமூக ஏற்றத்தாழ்வுகள் என்றும், 23% குற்றங்கள் மற்றும் வன்முறை என்றும் மற்றும் 21% வேலையின்மை அல்லது வேலை வாய்ப்புகள் குறைவாக உள்ளது என்றும் மலேசியர்கள் தங்களின் முக்கியத்துவம் எது என்று கருத்துக்கணிப்பில் தெரிவித்தனர்.
#கேஜிஎஸ்
