கோலாலம்பூர், அக். 6 — 2027ஆம் ஆண்டுக்கான தேசிய வரவு செலவுத் திட்டத்தை பிரதமர் டத்தோஸ்ரீ அன்வார் இப்ராஹிம் எதிர்வரும் வெள்ளிக்கிழமை பிற்பகல் 3.30 மணிக்கு மக்களவையில் தாக்கல் செய்யவுள்ளார்.
இதனை மக்களவை துணை சபாநாயகர் டத்தோஸ்ரீ ரம்லி முகமட் நோர் தெரிவித்தார்.
ஒவ்வோரு ஆண்டும் வரவு செலவுத் திட்டம் மாலை 4 மணிக்கு தாக்கல் செய்யப்படுவது வழக்கமாக இருந்த நிலையில், இம்முறை அதன் நேரம் மாற்றப்பட்டுள்ளது.
இந்நேர மாற்றம் தொடர்பான அறிவிப்பு கடிதம் அனைத்து நாடாளுமன்ற உறுப்பினர்களுக்கும் விநியோகிக்கப்பட்டுள்ளதாக ரம்லி தெரிவித்தார்.
2027ஆம் ஆண்டுக்கான வரவு செலவுத் திட்டம், மடாணி அரசாங்கத்தின் கீழ் தாக்கல் செய்யப்படும் ஐந்தாவது தேசிய வரவு செலவுத் திட்டமாகும்.
