இஸ்தான்புல், ஆகஸ்ட் 4: பிரபல குறுஞ்செய்தி செயலியான 'டெலிகிராம்' (Telegram) உலகளாவிய ரீதியில் ஆப்பிள் ஆப் ஸ்டோர் (Apple App Store) தேடல் முடிவுகளில் இருந்து சிறிது நேரம் மறைந்துபோனதாகவும், எனினும் அது பின்னர் மீண்டும் செயல்பாட்டுக்குக் கொண்டுவரப்பட்டதாகவும் Telegram நிறுவனம் உறுதிப்படுத்தியுள்ளது.
"டெலிகிராம் செயலி ஆப் ஸ்டோரில் மீண்டும் நிறுவப்பட்டுள்ளதுடன், அனைத்துப் பயனர்களுக்கும் விரைவில் இயல்புநிலைக்குத் திரும்பும்," என்று அந்நிறுவனம் குறிப்பிட்டது.
இந்தச் சிறிய இடையூறின் போது புதிய பதிவிறக்கங்களுக்கு இந்தச் செயலி கிடைக்காமல் போனது. எனினும், ஏற்கனவே தங்கள் சாதனங்களில் இந்த மென்பொருளை நிறுவியிருந்த பயனர்கள் வழக்கம் போல் குறுஞ்செய்தி சேவையைப் தொடர்ந்து பயன்படுத்த முடிவதாகத் தெரிவித்தனர்.
அதே வேளையில், ஆண்ட்ராய்டு பயனர்களுக்கான கூகுள் ப்ளே ஸ்டோரில் (Google Play Store) டெலிகிராம் செயலி தொடர்ந்து தடையின்றி கிடைக்கிறது.
இந்தச் சிக்கல் குறித்து ஆப்பிள் நிறுவனமோ அல்லது டெலிகிராம் நிறுவனத்தின் நிறுவனர் பாவெல் துரோகோ (Pavel Durov) இதுவரை எந்தவொரு தகவலையும் வெளியிடவில்லை.
இதற்கு முன்னர், கடந்த 2018ஆம் ஆண்டும் ஆப்பிள் நிறுவனம் தனது ஆப் ஸ்டோரிலிருந்து டெலிகிராம் செயலியை நீக்கியிருந்தது குறிப்பிடத்தக்கது. அப்போது, பயனர்களுக்கு 'பொருத்தமற்ற உள்ளடக்கங்களை' டெலிகிராம் வழங்கியதே அதற்குரிய காரணம் என்று நிறுவனர் துரோவ் தெரிவித்திருந்தார்.
