ரவாங், பிப் 5 - இரு தரப்பு தொழில் மேம்பாடு மற்றும் உள்ளடக்க ஒத்துழைப்பு உள்ளிட்ட முக்கியத்துவம் வாய்ந்த அம்சங்கள் குறித்து விவாதிக்க, ரவாங் செல்கேட் சிறப்பு மருத்துவமனைக்கு மரியாதை நிமித்தமாக மீடியா சிலாங்கூர் நிறுவனம் பயணம் மேற்கொண்டது.
தலைமை ஆசிரியர் நூர் அசாம் ஷைரி தலைமையிலான மீடியா சிலாங்கூர் குழுவை, மருத்துவமனையில் செல்கேட் ஹெல்த்கேர் நிறுவனத்தின் தலைமை மூலோபாய அதிகாரி தெங்கு லெஸ்டா தெங்கு அலாவுடின் வரவேற்றார்.
இரண்டு மணி நேர விஜயத்தின் போது, எலும்பியல், மகப்பேறியல் மற்றும் மகளிர் மருத்துவம் மற்றும் குழந்தை மருத்துவம் உள்ளிட்ட பல்வேறு மருத்துவ சேவைகளைக் கொண்ட மருத்துவமனையை மீடியா சிலாங்கூர் பிரதிநிதிகள் பார்வையிட்டனர்.
மீடியா சிலாங்கூர் மற்றும் செல்கேட் நிறுவனம் இடையேயான நல்லுறவு 2015இல் நிறுவப்பட்டதாகவும், இதை பரந்த மூலோபாய ஒத்துழைப்பாக வளர விரும்புவதாகவும் தெங்கு லெஸ்டா கூறினார்.
"ரவாங் செல்கேட் சிறப்பு மருத்துவமனை தொடங்கப்பட்டது, செல்கேட் மருத்துவமனையின் புதிய கட்டமாகும். மீடியா சிலாங்கூரின் வருகை எங்கள் எதிர்கால ஒத்துழைப்புகளில் ஒரு புதிய கட்டத்தைத் தொடங்கும் என்று நாங்கள் நம்புகிறோம்," என தெங்கு லெஸ்டா மேலும் கூறினார்.
ரவாங் செல்கேட் சிறப்பு மருத்துவமனை, பொது அறுவை சிகிச்சை, கதிரியக்கவியல் மற்றும் மயக்கவியல் உள்ளிட்ட பல்வேறு சிறப்பு மற்றும் நோயறிதல் சேவைகளை வழங்குகிறது.
செல்கேட் பிராண்டின் கீழ் உள்ள முதல் மருத்துவமனை, பெர்சியாரன் அங்கூன் ரியாவில் அமைந்துள்ளது. இது 2.42 ஹெக்டேர் பரப்பளவில் கட்டப்பட்டது மற்றும் 224 படுக்கைகளுக்கு இடமளிக்க முடியும்.
ரவாங் செல்கேட் சிறப்பு மருத்துவமனை நோயாளிகள் மற்றும் பார்வையாளர்களுக்கு சிறப்பு பார்க்கிங் வசதியைக் கொண்டுள்ளது என்பது குறிப்பிடத்தக்கது.
