ஷா ஆலம், ஜன 13 : எதிர்வரவிருக்கும் சீனப் புத்தாண்டை முன்னிட்டு ஜோம் ஷோப்பிங் வவுச்சருக்கு ஜனவரி 16க்குள் விண்ணப்பிக்க பண்டார் உத்தாமா தொகுதி அதன் குடியிருப்பாளர்களுக்கு அழைப்பு விடுத்துள்ளது.
இந்த வவுச்சர்கள் SMUE அல்லது SMIS திட்டம் உறுப்பினர்கள் அல்லாதவர்களுக்கும், மாதாந்திர குடும்ப வருமானம் RM3,000க்கும் குறைவாக உள்ளவர்களுக்கு, சீன புத்தாண்டை கொண்டாடுபவர்களுக்கு மட்டுமே வழங்கப்படும்.
மேலும், விண்ணப்பத்தாரர்கள் கட்டாயம் பண்டார் உத்தாமா சட்டமன்றத் தொகுதி வாக்காளர்களாகவும் இருக்க வேண்டும்.
“ இந்த உதவி ஒரு குடும்பத்திற்கு ஒரு வவுச்சர் என்ற அடிப்படையில் வழங்கப்படும் மற்றும் தேர்ந்தெடுக்கப்பட்டவர்கள் வாட்ஸாப் மூலம் தொடர்பு கொள்ளப்படுவர்.
இந்த திட்டம், பண்டிக்கை காலங்களில் முன் ஏற்பாடுகளை மேற்கொள்ளும் போது குறைந்த வருமானம் பெறும் மக்களின் சுமையைக் குறைக்க உதவுவதை நோக்கமாகக் கொண்டுள்ளது.
இந்த செயல்முறையை எளிதாக்குவதற்காக, முழுமையாக நிரப்பப்பட்ட படிவத்தையும் தேவையான ஆவணங்களின் நகல்களையும் சேர்த்து சமர்ப்பிக்க வேண்டும்.
கூடுதல் தகவல்களுக்கு பொதுமக்கள் 03-77260441 அல்லது 011-39341073 என்ற எண்ணிற்கு அழைக்கக் கேட்டு கொள்ளப்படுகிறார்கள்.
