ஷா ஆலம், நவ 29: ஜாலான் தைப்பிங்கில் உள்ள ஐடில்பித்ரி பஜார் வணிக தளத்திற்கான விண்ணப்பங்களை கிள்ளான் மாநகராட்சி டிசம்பர் 9 முதல் ஜனவரி 17 வரை திறந்திருக்கும்..
கொண்டாட்டத்திற்கு தேவையான பொருட்கள், பட்டாசுகள், மருதாணி, பலூன்கள், உணவு மற்றும் பானங்கள் விற்பனையை உள்ளடக்கிய 356 கடைகள் ஏற்பாடு செய்யப்பட்டுள்ளன என கிள்ளான் துணை மேயர் முகமட் ஜாரி அஃபெண்டி முகமட் ஆரிப் கூறினார்
"ஜாலான் நங்கா, ஜாலான் ராஜா ஹாசன், ஜாலான் தாமான் மற்றும் ஜாலான் மிலாயுவின் ஒரு பகுதியை உள்ளடக்கிய ஜாலான் தைப்பிங் ஐடில்பித்ரி பஜார் மார்ச் 7 முதல் 30 வரை திறந்திருக்கும்.
"இத்திட்டத்திற்கு www.mylesen.mbdk.gov.my மூலம் இணையத்தில் விண்ணப்பம் செய்யலாம்" என்று அவர் கூறினார்
இதற்கிடையில், சீனப் புத்தாண்டு பஜாருக்கு விண்ணப்பங்கள் டிசம்பர் 16 முதல் திறக்கப்படும் என்று முகமட் ஜாரி கூறினார்.
"முதலில் வருபவருக்கே முன்னுரிமை என்ற அடிப்படையில் தள ஒதுக்கீடு முறை உள்ளது. www.mylesen.mbdk.gov.my மூலம் டிசம்பர் 16 முதல் இணையத்தில் விண்ணப்பிக்க வேண்டும்.
"சீனப் புத்தாண்டு பஜார் தளத்திற்கான விண்ணப்பத்திற்கான இறுதி தேதி ஜனவரி 21 ஆகும்," என்று அவர் கூறினார்.
