ஷா ஆலம்,அக் 23: தீபாவளியை முன்னிட்டு அக்டோபர் 21 முதல் 30 வரை
பழைய வீட்டு தளவாட குப்பை அகற்றும் இலவச சேவை யை சுபாங் ஜெயா மாநகராட்சி வழங்குகிறது.
தரை வீடு குடியிருப்புப் பகுதிகளில் வசிப்பவர்களுக்கு மட்டுமே KDEB கழிவு
மேலாண்மை மூலம் இச் சேவை வழங்கப்படுகிறது என சுபாங் ஜெயா மாநகராட்சியின்
கார்ப்பரேட் மற்றும் மூலோபாய மேலாண்மை துறை தெரிவித்தது.
இச்சேவை மெத்தைகள், பழைய தளவாடப் பொருட்கள் போன்றவை மட்டும்
உள்ளடக்கியது. மின்சார பொருட்கள் மற்றும் மறுசுழற்சி செய்யக்கூடிய பொருட்கள்
ஆகியவை இந்த சேவையில் சேர்க்கப்படவில்லை.
KDEBWM புலனம் லைன் 011 35584437 மூலம் அக்டோபர் 14 முதல் அக்டோபர் 23,
2024 வரை இச்சேவைக்கு விண்ணப்பிக்கலாம் என்று தெரிவிக்கப்பட்டது.
இச் சேவையில் தீபாவளி பண்டிகையை கொண்டாட தயாராகும்
குடியிருப்பாளர்களுக்கு முன்னுரிமை அளிக்கப்படுகிறது.
விண்ணப்பதாரர்கள் குப்பைகளை அகற்றும் தேதியை தேர்வு செய்ய KDEBWM ஆல் தொடர்பு கொள்ளப்படுவார்கள் மற்றும் குப்பைகள் அனைத்து வீட்டின் முன் வைக்க வேண்டும்.
குறித்த தேதியில் KDEBWM ஒப்பந்தக்காரர்கள் அகற்றும் சேவையை மேற்கொள்வார்கள்.
