ஷா ஆலம், செப் 23: சுங்கை பூரோங், தஞ்சோங் காராங் தொகுதியில் வெள்ளத்தால் பாதிக்கப்பட்ட 37 குடும்பங்களுக்கு நிதியுதவியாக தலா RM500 வழங்கப்படும்.
பாதிக்கப்பட்டவர்களுக்கு உதவும் வகையில் ஒவ்வொரு குடும்பத்திற்கும் உணவுக் கூடையும் வழங்கப்பட்டது என்று எம்பிஐ யின் தலைவர் தெரிவித்தார்.
"வெள்ளத்திற்குப் பிந்தைய உதவிகளை நாங்கள் வழங்குகிறோம். தற்காலிகத் தங்கும் மையத்தில் (பிபிஎஸ்) இருக்கும்போது, சமூக நலத் துறையின் (ஜேகேஎம்) உதவி போதுமானது.
"எனவே நாங்கள் வீண் நன்கொடைகளை தவிர்க்க விரும்புகிறோம். அவர்கள் வீடு திரும்பிய பிறகு, நாங்கள் உடனடியாக உதவி வழங்குவோம்" என்று அஹ்மட் அஸ்ரி சைனால் நோர் சிலாங்கூர்கினியிடம் கூறினார்.
வெள்ளம், தீ விபத்து, நிலச்சரிவு மற்றும் புயல் உள்ளிட்ட பேரிடர்களால் பாதிக்கப்பட்டவர்களுக்கு உதவ ஒவ்வொரு ஆண்டும் எம்பிஐ 1 மில்லியன் ரிங்கிட் ஒதுக்கும்.
