ஷா ஆலம், மார்ச் 8: கோலா சிலாங்கூரில் உள்ள ஜாலான் தெலுக் பியா கானானின் ஒரு பகுதி சாலை பழுதுபார்ப்பு மற்றும் மேம்பாடு பணிக்காக மார்ச் 7 முதல் ஏப்ரல் 30 வரை மூடப்படும் என இன்ஃப்ரா செல் தெரிவித்துள்ளது.
கும்புலன் செமஸ்தா மூலம் ``CIPR`` முறையைப் பயன்படுத்தி இரவு 10 மணி முதல் காலை 6 மணி வரை சாலை மேம்பாடு பணிகள் செயல்படுத்தப்படும் என முகநூல் வழியாக மாநில சாலை பராமரிப்பு நிறுவனம் தெரிவித்தது.
“சாலையைப் பயன்படுத்துபவர்களின் பாதுகாப்பை உறுதி செய்வதற்காகப் பழுது பார்க்கும் பணியில் சம்பந்தப்பட்டுள்ள பாதை அனைத்து போக்குவரத்துக்குத் தற்காலிகமாக மூடப்படும்.
"பயனர்கள் அவ்விடங்களில் உள்ள பாதுகாப்பு வழிமுறைகளுக்குக் கீழ்ப்படியுமாறு அறிவுறுத்தப்படுகிறார்கள்," என்று அவர் கூறினார்.
கடந்த ஆண்டு ஆகஸ்ட் 22ஆம் தேதி, மாநிலம் முழுவதும் 93 பெரிய அளவிலான சாலை மேம்பாட்டுத் திட்டங்களை செயல்படுத்துவது 86 சதவீதத்தை எட்டியதாக இன்ஃப்ராசெல் ஆபரேஷன்ஸ் எக்ஸிகியூட்டிவ் அப்துல்லா ஹனிஃப் அப்துல் காலிப் தெரிவித்தார்.
மாநிலத்தின் சாலைகள் நல்ல நிலையில் இருப்பதை உறுதி செய்வதை நோக்கமாகக் கொண்டு ரிங்கிட் 50 மில்லியன் ஒதுக்கீட்டில் பெரிய அளவில் மேற்கொள்ளப்படுவதாக டத்தோ மந்திரி புசார் டத்தோஸ்ரீ அமிருடின் ஷாரி விளக்கினார்.
