ஷா ஆலம், பிப் 14: சிலாங்கூர் ஃப்ரூட்ஸ் வேலி (SFV) ரவாங்கில் மார்ச் 2 ஆம் தேதி காலை 6.30 மணிக்குத் தொடங்கும் எஹ்சான் உற்சாக ஓட்டம் (ஃபன் ரன்) 2024இல் பங்கேற்கப் பொதுமக்கள் அழைக்கப்படுகிறார்கள்.

இப்போட்டி ஏழு முதல் 12 வயது வரையுள்ள குழந்தைகளுக்கு RM25 மற்றும் 13 வயது மற்றும் அதற்கு மேற்பட்ட பெரியவர்களுக்கு RM40 எனும் கட்டணத்துடன் திறக்கப்படும்.

ஆர்வமுள்ளவர்கள் ``மூவ் ஆன்`` விண்ணப்பத்தின் மூலம் பதிவு செய்ய அல்லது நேரடியாகhttps://www.mov3on.com/event-details.php?id=54    என்ற இணைப்பை நாடலாம்.

"அங்கு பண்ணை விலங்குகள் மற்றும் பல்வேறு புதிய பயிர்களைப் பார்ப்பதோடு, இளநீரையும் நீங்கள் பருக முடியும்.

"பங்கேற்பாளர்களுக்குச் சோளச் சிப்ஸ், பருத்தி மிட்டாய் மற்றும் பல்வேறு கவர்ச்சிகரமான அதிர்ஷ்டக் குலுக்கு பரிசுகளும் வழங்கப்படும்," என்று முகநூலில் பிகேபிஎஸ் தெரிவித்துள்ளது.

அனைத்து பங்கேற்பாளர்களும் மைக்ரோஃபைபர் சூப்பர் ட்ரை டி-ஷர்ட், பதக்கம், பாட்டில் நீர் மற்றும் சான்றிதழ் சேகரிப்பி கிட் ஆகியவற்றை பெறுவார்கள் என்று பிகேபிஎஸ் தெரிவித்தது.

"எல்லா பொருட்களையும் டேவான் ஓர்கிட், 4வது தளம், விஸ்மா பிகேபிஎஸ், செக்‌ஷன் 14ல் பிப்ரவரி 29 (காலை 10 மணி முதல் மாலை 5 மணி வரை) மற்றும் மார்ச் 1ம் தேதி (மதியம் 2 மணி முதல் இரவு 9 மணி வரை) பெற்றுக் கொள்ளலாம்.

"இப்போது பதிவு செய்வோம், 1,000 பங்கேற்பாளர்களுக்கு மட்டுமே வாய்புண்டு" என்று தெரிவிக்கப்பட்டது.