இன்று மேலும் மூன்று இடங்களில் ஜுவாலான் எஹ்சான் ரஹ்மா விற்பனை

ஷா ஆலம், நவ 28: அரிசி, முட்டை போன்ற பல்வேறு அடிப்படைப்

பொருட்களை மலிவு விலையில் விற்கும் ஜுவாலான் எஹ்சான்

ரஹ்மா திட்டம் இன்று மேலும் மூன்று இடங்களில் காலை 10

மணிக்குத் தொடரும்.

இன்று பத்து அராங் போலா கெரஞ்சாங் மைதானம் (ரவாங்), பங்சாபுரி பெர்மாய், தாமான் கோம்பாக் பெர்மாய் பார்க்கிங் ( சுங்கை துவா) மற்றும் சுராவ், நூர் ஹிடாயா, ஜாலான் பெத்தபோலா 24/8 (பத்து திகா) ஆகிய இடங்களில் மலிவு விற்பனை  நடைபெறும்.

சிலாங்கூர் விவசாய மேம்பாட்டு கழகத்தால் (PKPS) கிட்டத்தட்ட 3000

இடங்களில் இந்த மலிவு விற்பனை நடத்தப்பட்டுள்ளது.   ஐந்து

மில்லியனுக்கும் அதிகமான மக்கள் பயனடைந்த இச்சந்தைக்குச்

சிலாங்கூர் அரசு RM40 மில்லியன் மானியத்தைச் செலவிட்டுள்ளது.

இந்த மலிவு விற்பனையில் ஒரு கோழி 10.00 வெள்ளிக்கும்

மாட்டிறைச்சி ஒரு பாக்கெட் 10.00 வெள்ளிக்கும் பி கிரேட் முட்டை

ஒரு தட்டு 10.00 வெள்ளிக்கும் கெம்போங் மீன் ஒரு பாக்கெட் 6.00

வெள்ளிக்கும் 5 கிலோ சமையல் எண்ணெய் 25.00 வெள்ளிக்கும் 5 கிலோ அரிசி 10.00 வெள்ளிக்கும் விற்கப்படுகிறது.

பொதுமக்கள் பி.கே.பி.எஸ் முகநூல் அல்லது http://linktr.ee/myPKPS என்ற இணைப்பின் மூலம் மலிவு விற்பனை நடைபெறும் இடங்களைப் பற்றி அறிந்து கொள்ளலாம்.