ஷா ஆலம், அக் 10.: தற்போதைய பொருளாதார சூழ்நிலையால் பாதிக்கப் பட்டுள்ள மக்களின் சுமையைக் குறைக்கும் வகையில் பல்வேறு நடவடிக்கைகளை இந்த வெள்ளிக்கிழமை பட்ஜெட் 2024ல் தாக்கல் செய்யப்படும் என பிரதமர் தெரிவித்தார்.
மக்கள், குறிப்பாக ஏழ்மை நிலையிலுள்ள மற்றும் நடுத்தர மக்களின் வாழ்க்கைச் சுமையைக் குறைக்க அரசாங்கம் அனைத்து முயற்சிகளையும் மேற்கொண்டு வருவதாக டத்தோஸ்ரீ அன்வார் இப்ராஹிம் கூறினார்.
"வாழ்க்கைச் செலவால் மக்கள் பாதிக்கப்படுவது எங்களுக்குத் தெரியும். அப் பிரச்சனையைக் களைய சில நடவடிக்கைகள் உள்ளன, அவற்றில் சில, நான் இந்த வெள்ளிக்கிழமை அறிவிப்பேன்.
"உலகம் முழுவதும் நடக்கும் தற்போதைய பொருளாதார சூழ்நிலையால் பாதிக்கப்பட்டுள்ள M40 அல்லது அதற்கும் கீழ் நிலையில் உள்ள மக்களின் சுமையைக் குறைக்க நாங்கள் எல்லா முயற்சிகளையும் மேற்கொள்வோம் என்று நான் உங்களுக்கு உறுதியளிக்கிறேன்," என்று பிரதமர் கூறினார்.
தற்போதைய பொருளாதார நிலையைத் தொடர்ந்து மக்களின் வாழ்க்கைச் செலவைக் குறைப்பதற்கான அரசாங்கத்தின் நடவடிக்கைகளை அறிய விரும்பும் பெண்டாங் நாடாளுமன்ற உறுப்பினர் டத்தோ அவாங் ஹாஷிமின் கேள்விக்கு அவர் பதிலளித்தார்.
வாழ்க்கைச் செலவு அதிகரிப்பு தொடர்பாக வெளிநாட்டுத் தலைவர்களுடனும் கலந்துரையாடப் பட்டதாக அன்வார் விளக்கினார்.
நாளை அல்லது நாளை மறுநாள் தாய்லாந்து பிரதமர் (ஸ்ரேத்தா தவிசின்) மலேஷியாவுக்கு அதிகாரப்பூர்வப் பயணம் மேற்கொள்ளவுள்ளார். தாய்லாந்து மற்றும் மலேசியாவில் அதிகரித்து வரும் வாழ்க்கைச் செலவு மற்றும் அதைக் குறைக்க என்ன செய்யலாம் என்பது குறித்து விவாதிக்கப்படும்,`` என்று அவர் கூறினார்.
கடந்த ஆண்டு டிசம்பர் 2ஆம் தேதி ஐக்கிய அரசாங்கம் அமைக்கப்பட்ட பின்னர் பிரதமரின் இரண்டாவது விளக்கக்காட்சியாக இருக்கும் டேவான் ராக்யாட்டில் அன்வார் இந்த வெள்ளிக்கிழமை 2024 பட்ஜெட்டை தாக்கல் செய்வார் என்று எதிர்பார்க்கப்படுகிறது.
