ஷா ஆலம், செப்டம்பர் 14: மாநிலம் முழுவதும் வணிகப் பகுதிகளில் திடக் கழிவுகளை சுத்தம் செய்யும் முறையை மாற்றும் திட்டத்தை KDEB கழிவு மேலாண்மை (KDEBWM) ஆய்வு செய்து வருகிறது.
வாகனங்கள் அதிகமாக இருப்பதனால் சம்பந்தப்பட்ட பகுதிகளில் காலை முதல் மதியம் வரை கழிவுகளைச் சுத்தம் செய்வதில் ஒப்பந்ததாரர் எதிர்கொள்ளும் சிரமங்களை அதன் நிர்வாக இயக்குநர் டத்தோ ரம்லி முகமட் தாயிர் கண்டறிந்தார்.
நள்ளிரவில் வணிகப் பகுதி காலியாக இருக்கும் போது, ஆட்கள் இல்லாதபோதும் "குளுட்டன்' வாக்யூம் கிளீனரைப் பயன்படுத்தி சுத்தம் செய்யப்பட்டது. இதனால் ஒப்பந்தக்காரரின் பணி எளிதாகிறது.
"இம்முறையை நாங்கள் பயிற்சி செய்ய முயற்சித்தோம் (SS14 மற்றும் SS15 இல்). இது வெற்றியடைந்து நேர்மறையான தாக்கத்தை ஏற்படுத்தினால், மற்ற வணிகப் பகுதிகளிலும் செய்யப்படும்," என்று அவரைத் தொடர்பு கொண்டபோது கூறினார்.
இருப்பினும், துப்புரவுக் கொள்கையில் செயல்படுத்தும் மாற்றம், திடக்கழிவுகள் சம்பந்தப்பட்ட பகுதி நன்கு நிர்வகிக்கப் படுவதை உறுதிசெய்ய பல காரணிகளைக் கணக்கில் எடுத்துக்கொள்ள வேண்டும் என்று ரம்லி விளக்கினார்.
"நள்ளிரவில் சுத்தம் செய்யும் போது, காலையில் வணிக வளாகத்தின் சுற்றுப்புறம் தூய்மையாக இருக்கும். மாலையில் வியாபாரிகள் மற்றும் பொதுமக்கள் அப்புறப்படுத்தும் புதிய குப்பைகள் மட்டுமே உள்ளன.
"எனவே நாம் இரண்டாவது சுற்று சுத்தம் செய்ய வேண்டுமா அல்லது அடுத்த நாளுக்காக காத்திருக்க வேண்டுமா என்று பார்ப்போம். எந்த முறை மிகவும் பயனுள்ளதாக இருக்கும் என்பதை ஆராய்ந்து பார்ப்போம்," என்று அவர் கூறினார்.
