உலு சிலாங்கூர், ஜூலை 3: போக்குவரத்து அமைச்சகத்தால் குறைந்த வருமானம் பெறுபவர்களுக்கு (B40) பொது சேவை வாகனங்களுக்கான (PSV) தொழில் உரிமங்களைப் பெற உதவுவதற்காக ``MyPSV`` திட்டம் தொடங்கப்பட்டது.
இத்திட்டத்திற்காக ஒற்றுமை அரசாங்கம் 2023 பட்ஜெடின் கீழ் RM2 மில்லியனை ஒதுக்கியுள்ளது எனவும் இப்பணம் 4,000 விண்ணப்பதாரர்களுக்கு உரிமத்தைப் பெறப் பயனளிக்கும் எனவும் அமைச்சர் அந்தோனி லோக் கூறினார்.
PSV அல்லது டாக்ஸி உரிமங்களுக்கு 3,500 பேர் மற்றும் PSV பேருந்து உரிமங்களுக்கு 500 பேர் உட்பட 4,000 பேர் பயனடைவார்கள்.
"மேலும், இந்த ஒதுக்கீடு ஒவ்வொரு PSV பஸ் விண்ணப்பதாரர்களுக்கு RM2,590 என்ற விகிதத்தில் சோதனை மற்றும் பயிற்சிக்கான செலவை உள்ளடக்கியது.
இந்த திட்டம் பொருளாதாரத் துறைகளில் வேலை வாய்ப்புகள் மற்றும் நாட்டின் பொது போக்குவரத்துத் துறையை மேம்படுத்துவதன் மூலம் B40 இன் சமூக-பொருளாதார நிலையை மேம்படுத்துவதை நோக்கமாகக் கொண்டுள்ளது என்று லோக் தெரிவித்தார்.
"தற்போது பொருளாதார சவால்களை எதிர்கொள்ளும் B40 குழுவிற்கு PSV உரிமம் பெற இந்த திட்டம் உதவும் என்று அரசாங்கம் நம்புகிறது.
"இருப்பினும், MyPSV பேருந்து திட்டத்தின் கீழ் அவர்கள் தொழிற்கல்வி கோட்பாடு படிப்புகள், பயிற்சி மற்றும் நடைமுறை சோதனைகளில் கலந்து கொள்ள வேண்டும் என்ற பல நிபந்தனைகள் உள்ளன.
"MyPSV விண்ணப்பதாரர்கள் தியோரி பட்டறையில் மட்டுமே கலந்து கொள்ள வேண்டும்" என்று அவர் குறிப்பிட்டார்.
