ஷா ஆலம், ஏப்ரல் 2: கோத்தா அங்கேரிக் தொகுதியில் மொத்தம் 850 குடும்பங்கள் ஹரி ராயா ஐடில்பித்ரி கொண்டாட்டத்தை முன்னிட்டு RM200 ஷாப்பிங் வவுச்சர்களைப் பெற்றனர்.
அதன் பிரதிநிதி முகமட் நஜ்வான் ஹலிமி கூறுகையில், தகுதியானவர்களுக்கு இன்று நடைபெற்ற வவுச்சர் வழங்கும் நிகழ்வில் ஒரே நேரத்தில் 170,000 ரிங்கிட் ஒதுக்கீடு செய்யப்பட்டது.
"மாநில அரசு வழங்கும் அனைத்து ஒதுக்கீடுகளும் நாங்கள் முழுமையாகப் பயன்படுத்தி, தகுதியானவர்களுக்கு வழங்குகிறோம்.
"இந்த ஆண்டு ஐடில்பித்ரிக்கு ஒரு வாரம் அல்லது 10 நாட்களுக்கு முன்பிருந்தே வவ்ச்சர்களை வழங்குகிறோம். இதனால் பெறுநர்கள் பல்பொருள் அங்காடியில் நெரிசல் ஏற்படுவதற்கு முன்பே ஷாப்பிங் செய்யலாம்," என்று அவர் கூறினார்.
இந்த ஆண்டு வவுச்சர் மதிப்பை மாநில அரசு RM100லிருந்து RM200 ஆக உயர்த்தியதாக முகமட் நஜ்வான் கூறினார்.
" இது தற்போதைய சூழ்நிலைக்கு ஏற்ப இருந்தது, குறிப்பாக வாழ்க்கைச் செலவு அதிகரிப்பு மற்றும் வீட்டுப் பொருட்களின் விலை அதிகரித்துள்ளன," என்று அவர் கூறினார்.
மேலும் மாத குடும்ப வருமான வரம்பு RM2,000 இலிருந்து RM3,000 ஆக அதிகரிக்கப்பட்டுள்ளது.
சிலாங்கூர் 2023 பட்ஜெட், வவுச்சர்களை வழங்குவதற்காக RM16.48 மில்லியன் ஒதுக்கியுள்ளது. இதன்வழி, மாநிலம் முழுவதும் உள்ள 82,400 பெறுநர்கள் பயனடைவர்.
