கோம்பாக், பிப் 23: கம்போங் மேலாயு வீரா டாமாயில் உள்ள எம்.பி.கே.கே மண்டபத்தில் வனித்தா பெர்டாயா சிலாங்கூர் (WBS) ஏற்பாடு செய்திருந்த ஊழல் எதிர்ப்பு தொடர்பான கலந்துரையாடலில் சுமார் 100 பங்கேற்பாளர்கள் கலந்து கொண்டனர்.
இக்கலந்துரையாடல் மூலம் உயர்கல்வி கூட மாணவர்கள் மற்றும் உள்ளூர்வாசிகள் பயனடைவார்கள் என்று ஏற்பாட்டாளர் பிரதிநிதி மரியா அப்துல் மனாஃப் நம்புகிறார்.
"மலேசிய ஊழல் எதிர்ப்பு ஆணையம் (எம்ஏசிசி), ஊழல் ஒழிப்பாளர்கள் மற்றும் மலேசிய மக்கள் அறக்கட்டளை கழகம் (மாரா) ஆகியவற்றின் ஒத்துழைப்புடன் இந்த நிகழ்வு ஏற்பாடு செய்யப்பட்டது.
"இந்த நிகழ்வு அனைத்து பங்கேற்பாளர்களுக்கும் பயனளிக்கும் என்று நாங்கள் நம்புகிறோம்," என அவர் இன்று சிலாங்கூர்கினியைச் சந்தித்தபோது கூறினார். 'ஊழல் பரவுகிறது, தேசம் அழிகிறது' என்ற தலைப்பில் இக்கலந்துரையாடல் நடத்தப்பட்டது.
யாயாசன் ஹிஜ்ரா சிலாங்கூர் (ஹிஜ்ரா சிலாங்கூர்) மற்றும் டி.ஆர்.பி-ஹிகோம் (DRB-Hicom) கல்லூரி ஆகியவை இந்த நிகழ்ச்சியில் கண்காட்சிகளை ஏற்பாடு செய்திருந்தனர்.
