நகர அந்தஸ்தை உணர்த்தும் வகையில் தரமான சேவைகள் மற்றும் நல்ல நிர்வாகத்தை வழங்க வேண்டும் – டத்தோ மந்திரி புசார்

சுபாங் ஜெயா, ஜன 16: உள்ளூர் அதிகாரசபை (PBT) அடைந்த மாநகர அந்தஸ்தை உணர்த்தும் வகையில் தரமான சேவைகள் மற்றும் நல்ல நிர்வாகத்தை வழங்க வேண்டும்.

மாநகர அந்தஸ்து பெருமைப்பட வேண்டிய ஒன்று மட்டுமல்ல, பல்வேறு பிரச்சினைகளுக்கு முழுமையான தீர்வுகள் வழங்கப்பட்டு மக்கள் அதை உணர வேண்டும் என்று டத்தோ மந்திரி புசார் டத்தோஸ்ரீ அமிருடின் ஷாரி கூறினார்.

"நிர்வாகத்தின் தரத்தை அனைத்து குடிமக்களும் உணரும் வகையில் பிபிதியின் திறனை நாங்கள் பார்க்க விரும்புகிறோம். இன்னும் ஒருபகுதி நகர் புறநகராக பகுதிகளாக மற்றும் கிராமப் பகுதிகளாகவும், வெள்ள அபாயத்தை எதிர்கொள்வதால், இது நாம் கடக்க வேண்டிய ஒரு பெரிய சவாலாக நான் கருதுகிறேன்,`` என்றார்.

இதற்கிடையில், நகர அந்தஸ்துடன் கூடிய பிபிதி ஆனது சுற்றியுள்ள சமூகத்துடன் அடிக்கடி தொடர்பு கொள்வது சேவைகளின் தரம் மற்றும் பணி முறைகளை மேம்படுத்த முடியும் என்று அமிருடின் நம்புகிறார்.

"பிரதமர் டத்தோ ஸ்ரீ அன்வார் இப்ராஹிம் தனது உரையில் எப்போதும் சொல்வது போல், மனித குலத்தை அழித்துக் கொண்டு நாம் முன்னேற்றம் அடைய கூடாது.

"நாம் நெடுஞ்சாலைகள், நகரங்கள் மற்றும் புதிய சுற்றுப்புறங்களை உருவாக்குகிறோம், ஆனால் அதே நேரத்தில் சுற்றுச்சூழலின் பசுமை அல்லது நிலைத்தன்மையை அழித்து கொண்டிருக்கிறோம்," என்று அவர் கூறினார்.