ஷா ஆலம், டிச 28: இந்த ஞாயிற்றுக்கிழமை சுபாங் ஜெயா சிட்டி கவுன்சில் (எம்பிஎஸ்ஜே) ஏற்பாடு செய்த செலமட் பாகி சுபாங் ஜெயா நிகழ்வில் ஏற்பாடு செய்துள்ள பல்வேறு நிகழ்ச்சிகளில் பங்கேற்கப் பொதுமக்கள் அழைக்கப்படுகிறார்கள்.
கார் பயன்பாடு இல்லா தினத்துடன் இணைந்து காலை 7 மணி முதல் 11 மணி வரை இந்நிகழ்ச்சி சுபாங் பரேட் மற்றும் ஏயோன் பிக் ஷாப்பிங் மால்களுக்கு எதிரே உள்ள ஜாலான் பெர்சியாரன் கெமாஜுவானில் நடைபெறும்.
"சைக்கிள் ஓட்டுதல், ஓட்டம் மற்றும் மெது நடை, ஸ்ட்ரீட்பால் & கிட் ஸ்ட்ரீட் சாக்கர், வில்வித்தை மற்றும் இலவச உடல்நலப் பரிசோதனைகள் போன்ற நடவடிக்கைகள் ஏற்பாடு செய்யப்பட்டுள்ளன. மேலும், சைக்கிள் ஓட்டும் போட்டி புதிதாக ஏற்பாடு செய்யப் பட்டுள்ளதாகச் சுபாங் ஜெயா சிட்டி கவுன்சிலின் (MBSJ) முகநூல் மூலம் தெரிவிக்கப் பட்டுள்ளது.
இந்த நிகழ்ச்சியில் காலை உணவிற்கு பல்வேறு சுவையான உணவுகளை அனுபவிப்பதோடு, பாடல் போட்டிகள், இசைக்கலைஞர்கள் படைப்புகள் (பஸ்கிங்), சமையல் டெமோக்கள் போன்ற பொழுதுபோக்கு நிகழ்வுகளும் இடம்பெறவுள்ளன.
