கோலாலம்பூர், மே 27 - ஏப்ரல் மாதத்திற்கான நுகர்வோர் விலைக் குறியீடு (சிபிஐ) கடந்த ஆண்டு இதே மாதத்தில் 123.1 ஆக இருந்து 2.3 விழுக்காடு உயர்ந்து 125.9 ஆக இருந்தது என்று மலேசிய புள்ளியியல் துறை (டிஓஎஸ்எம்) மே 25 அன்று தெரிவித்துள்ளது.
இந்த அதிகரிப்பு ஜனவரி 2011 முதல் ஏப்ரல் 2022 வரையிலான சராசரி பணவீக்கத்தை 1.9 விழுக்காடு விஞ்சியது.
தலைமை புள்ளியியல் நிபுணர் டத்தோஸ்ரீ டாக்டர் முகமட் உசிர் மஹிடின் கூறுகையில், ஏப்ரல் மாதத்தில் உணவுப் பணவீக்கம் 4.1 விழுக்காடாக உயர்ந்துள்ளது, உணவு மற்றும் பானக் குழுவிற்கான உணவுப் பொருட்களில் 89.1 விழுக்காடு அதிகரிப்பு பதிவாகியுள்ளது.
இதைத் தொடர்ந்து உணவகங்கள் மற்றும் ஹோட்டல்கள் (3.2 விழுக்காடு), போக்குவரத்து (3.0 விழுக்காடு), அலங்காரம், வீட்டு உபயோகப் பொருட்கள் மற்றும் பராமரிப்பு (2.7 விழுக்காடு), இதர பொருட்கள் மற்றும் சேவைகள் (1.8 விழுக்காடு) மற்றும் பொழுதுபோக்கு மற்றும் கலாச்சார சேவைகள் (1.3 விழுக்காடு) என்று அவர் ஒரு அறிக்கையில் தெரிவித்துள்ளார்.
கல்வியில் 1.0 விழுக்காடு அதிகரித்தது, அதே சமயம் வீட்டுவசதி, நீர், மின்சாரம், எரிவாயு மற்றும் பிற எரிபொருள்கள் 0.8 விழுக்காடு அதிகரித்தன.
மது பானங்கள் மற்றும் புகையிலை மற்றும் ஆரோக்கியம் ஆகியவை முறையே 0.5 விழுக்காடு மற்றும் 0.2 விழுக்காடு அதிகரித்துள்ளது.
"அதே நேரத்தில் ஆடை மற்றும் காலணிகள் கடந்த ஆண்டு இதே மாதத்துடன் ஒப்பிடும்போது 0.2 விழுக்காடு சரிந்தன," என்று அவர் விளக்கினார்.
