காஜாங், பிப்.16:
செமினி சட்டமன்றத் தொகுதி இடைத்தேர்தலுக்கான வேட்பாளர் நியமனம் காஜாங் நகராண்மைக் கழகத்தின் டேவான்ஸ்ரீ செம்பாகாவில் இன்று காலை 9 மணிக்கு நடைபெற்றது.
கடந்த வெள்ளிக்கிழமை வரையில் மொத்தம் 13 நியமனப் பாரங்கள் வாங்கப்பட்டுள்ளன. அவற்றுள் பாக்காத்தான் ஹராப்பான், தேசிய முன்னணி மற்றும் மலேசிய சோஷியலிஸ் கட்சி வேட்பாளர்களுக்கான 3 பாரங்களும் அடங்கும்.
சுயேட்சை வேட்பாளராகப் போட்டியிட நான்கு வேட்பாளர் நியமனப் பாரங்கள் வாங்கப்பட்டுள்ளதாகவும் தெரிவிக்கப்பட்டுள்ளது.
இந்த இடைத்தேர்தலில் முகமது அய்மான் ஜைனாலி ( வயது 30) எனும் இளம் பொறியியலாளரை பக்காத்தான் ஹராப்பான் களம் இறக்கும் வேளையில், ஜக்காரியா ஹனாஃபி (வயது 58) எனும் உள்ளூர் தலைவரை தேசிய முன்னணி களம் இறக்குகிறது.
