புத்ராஜெயா, செப். 22: 2027ஆம் ஆண்டுக்கான வரவு செலவுத் திட்டத்தில் ஊதியம் தொடர்பான அறிவிப்பு இடம்பெறக்கூடும் என்று மனிதவள அமைச்சர் டத்தோஸ்ரீ ஆர். ரமணன் தெரிவித்துள்ளார்.
எனினும், இதன் கூடுதல் விவரங்களை பிரதமரும் நிதியமைச்சருமான டத்தோஸ்ரீ அன்வார் இப்ராஹிம் உரிய நேரத்தில் அறிவிப்பார் என்று அவர் கூறினார்.
புத்ராஜெயாவில் இன்று நடைபெற்ற பயிற்றுநர் மற்றும் மேம்பட்ட திறன் பயிற்சி மையத்தின் (CIAST) 17ஆவது பட்டமளிப்பு விழாவுக்குப் பின்னர் செய்தியாளர்களிடம் அவர் இதனைத் தெரிவித்தார்.
அறிமுகப்படுத்தப்படவுள்ள முன்னேற்ற நடவடிக்கைகள் நம்மை ‘வளர்ச்சி அடைந்த நாடு’ என்ற நிலையை நோக்கி அழைத்துச் செல்லும் என்றும் அவர் நம்பிக்கை தெரிவித்தார்.
இதனிடையே, பிரதமர் அன்வார் இப்ராஹிம், 2027ஆம் ஆண்டுக்கான வரவு செலவுத் திட்டத்தை அக்டோபர் 9ஆம் தேதி மக்களவையில் தாக்கல் செய்யவுள்ளார்.
