செர்டாங், 16 ஆகஸ்ட் : 2026 சுக்மா தடகளப் போட்டிகளின் முதல் நாளில் இன்று சிலாங்கூர் தனது முதல் தங்கப் பதக்கத்தை வென்றது.
செர்டாங், புத்ரா மலேசியப் பல்கலைக்கழக (UPM) அரங்கில் இன்று நடைபெற்ற பெண்களுக்கான வட்டு எறிதல் (Discus Throw) போட்டியில் சாஷா அலிசா பிலிப் (Sasha Alyssa Philip) 44.93 மீட்டர் தூரத்திற்கு வட்டை எறிந்து தங்கப் பதக்கத்தைப் பெற்றார்.
இந்த சாதனை சாஷாவின் தனிப்பட்ட சிறந்த சாதனையாகவும் பதிவாகியது.
இதன் மூலம், இதற்கு முன்பு சரவாக்கில் நடைபெற்ற போட்டியில் மூன்றாவது இடத்தைப் பிடித்து அடைந்த ஏமாற்றத்திற்கு அவர் தற்போது முற்றுப்புள்ளி வைத்தார்.
சாஷாவைப் பொறுத்தவரை, அவர் 2026 சுக்மா போட்டியில் தனது தனிப்பட்ட சிறந்த சாதனையைப் படைப்பதையே இலக்காகக் கொண்டிருந்தார்.
"நான் எனது தனிப்பட்ட சிறந்த சாதனையைச் செய்ய வேண்டும் என்றுதான் எதிர்பார்த்தேன், அதைச் செய்ததில் மகிழ்ச்சி அடைகிறேன். அடுத்தடுத்த போட்டிகளில் இதைவிடச் சிறந்த எறிதலைச் செய்ய முடியும் என்று நம்புகிறேன்," என்று சாஷா மீடியா சிலாங்கூரிடம் தெரிவித்தார்.
