மூன்று உலகக் கோப்பை நடத்திய நாடுகளிலும் தனித்தனி தொடக்க விழாக்களை நடத்தும் ஃபிஃபா

லண்டன், மே 9 — இந்த ஆண்டுக்கான உலகக் கோப்பை கால்பந்து போட்டியை நடத்தும் மெக்சிகோ, கனடா மற்றும் அமெரிக்கா ஆகிய மூன்று நாடுகளிலும், முதல் போட்டிக்கு முன் தனித்தனி தொடக்க விழாக்கள் நடத்தப்படும் என ஃபிஃபா இன்று அறிவித்துள்ளது.

வரலாற்றிலேயே மிகப்பெரிய உலகக் கோப்பை தொடர் ஜூன் 11 அன்று மெக்சிகோ நகரில் தொடங்குகிறது. அங்கு கிராமி விருது பெற்ற மெக்சிகன் பாப் இசைக்குழுவான Maná இசை நிகழ்ச்சி நடத்தவுள்ளது. அதோடு Alejandro Fernández மற்றும் Belinda ஆகியோரும் கலந்து கொள்வார்கள் என்று ஃபிஃபா தனது X தள பதிவில் தெரிவித்துள்ளது.

மெக்சிகோ நகரில் நடைபெறும் இந்த இசை நிகழ்ச்சி, மெக்சிகோ கலாசாரத்தை மையமாகக் கொண்டு, பழங்குடியினர் மற்றும் “நவீன நாட்டுப்புற கலை” கலைஞர்களின் நிகழ்ச்சிகளையும் உள்ளடக்கும் என ஃபிஃபா கூறியுள்ளது.

கனடாவின் தொடக்க குழு நிலைப் போட்டியில், போஸ்னியா மற்றும் எர்ஸகோபினா    அணிக்கு எதிராக ஜூன் 12 அன்று டொராண்டோவில் நடைபெறும் போட்டிக்கு முன், டொராண்டோவில் நடைபெறும் போட்டிக்கு முன், கனடிய பாடகர்களான   அலனிஸ்  மொரிசெட் Alanis Morissette, மைகல் பவெல் Michael Bublé,  அலேசிய காரா Alessia Cara, வில்லியம் பிரின்ஸ்  William Prince மற்றும் லாஸ் ஏஞ்சல்ஸ் தளமாகக் கொண்ட பங்களாதேஷ்-அமெரிக்க DJ சஞ்சய் Sanjoy ஆகியோர் நிகழ்த்தவுள்ளனர்.

“கனடாவின் பல்வகைமை மற்றும் சமூக ஒற்றுமையை பிரதிபலிக்கும் வகையில், FIFA உலக கோப்பையின் மொசைக் வடிவ மறுவடிவமைப்பு நிகழ்ச்சியில் இடம்பெறும்,” என ஃபிஃபா தெரிவித்துள்ளது.

அதே நாளில், அமெரிக்க அணியின் Paraguay அணிக்கு எதிரான போட்டிக்கு முன், லாஸ் ஏஞ்சல்ஸில் நடைபெறும் தொடக்க விழாவில் அமெரிக்க பாடகி Katy Perry முக்கிய கலைஞராக பங்கேற்கிறார். மேலும், “Future” என அறியப்படும் அட்லாண்டா ராப் இசை நட்சத்திரமான Future இசை நிகழ்ச்சி நடத்துவார்.

இந்த கலைஞர் பட்டியலில் Anitta, LISA, Rema மற்றும் Tyla ஆகியோரும் இடம்பெற்றுள்ளனர்.

“இந்த போட்டியின் பரவலான அளவு, உயர்ந்த நோக்கம் மற்றும் கலாசார சக்தியை பிரதிபலிக்கும் வகையில், அதிக உற்சாகமூட்டும் நிகழ்ச்சியாக அமெரிக்க தொடக்க விழா வடிவமைக்கப் பட்டுள்ளது,” என்று ஃபிஃபா தெரிவித்துள்ளது.

இந்த ஆண்டின் உலகக் கோப்பை, பல நாடுகள் இணைந்து நடத்தும் இரண்டாவது உலகக் கோப்பை தொடராகும். இதற்கு முன், 2002 FIFA World Cup தென் கொரியா மற்றும் ஜப்பான் இணைந்து நடத்தியிருந்தன. அப்போது தொடக்க விழாவை தென் கொரியா நடத்தியது.