பெட்டாலிங் ஜெயா, டிசம்பர் 15 - மலேசியாவின் சிறந்த சுற்றுலாத் தலமாக சிலாங்கூர் தனது நிலையைத் தக்க வைத்துக் கொண்டுள்ளது, தொடர்ந்து நான்கு ஆண்டுகளாக நாடு முழுவதும் அதிக எண்ணிக்கையிலான பார்வையாளர்களைப் பதிவு செய்துள்ளது என்று உள்ளூர் அரசு மற்றும் சுற்றுலாத் துறைக்கான ஆட்சிக்குழு உறுப்பினர் டத்தோ இங் சுய் லிம் கூறினார்.
2004 ஆம் ஆண்டில், 34.5 மில்லியன் தினசரி பார்வையாளர்களைப் பதிவு செய்ததாகவும், அவர்களில் பலர் ஒரு குறுகிய வருகை பயணங்களுக்காக வந்ததாகவும் அவர் கூறினார்.
"சிலாங்கூருக்கு வருபவர்கள் ஒரு நாள் மட்டும் பார்வையிடாமல், இரவில் தங்கி மாநிலத்தில் செலவிட வேண்டும் என்று நாங்கள் விரும்புகிறோம்," என்று அவர் இன்று 1 உத்தாமா ஷாப்பிங் சென்டரில் நடந்த 2025 ஆம் ஆண்டுக்கான மாநில அளவிலான கிறிஸ்துமஸ் கொண்டாட்டத்தின் போது தனது உரையில் கூறினார். மேலும் 2025 ஆம் ஆண்டின் மூன்றாம் காலாண்டின் படி, சிலாங்கூர் 6.4 மில்லியன் சுற்றுலாப் பயணிகளை வரவேற்றுள்ளது என்றும், இந்த ஆண்டுக்கான எட்டு மில்லியன் வருகையாளர்களில் 80 சதவீதத்தை எட்டியுள்ளது என்று கூறினார்.
எனவே, இந்த ஆண்டு இறுதிக்குள் மாநிலம் தனது இலக்கை அடையும் என்று அவர் நம்பிக்கை கொண்டுள்ளார். மேலும் மலேசிய விளையாட்டு (சுக்மா) 2026 ஐ நடத்த மாநிலம் தயாராகி வருவதாகவும், அரசு நிறுவனங்கள், தனியார் துறை மற்றும் பொதுமக்களின் தொடர்ச்சியான ஆதரவுடன் விளையாட்டு சுற்றுலாப் பிரிவு அடுத்த ஆண்டு வலுவாக மாறக்கூடும் என்று குறிப்பிட்டார்.
