எட்டு மருத்துவமனைகளுக்குச் செல்ல மாற்றுத்திறனாளிகள் மற்றும் முதியவர்களுக்கு இலவசப் போக்குவரத்து வசதி

ஷா ஆலம், ஏப் 16: தேர்ந்தெடுக்கப்பட்ட எட்டு மருத்துவமனைகள் மற்றும் மருத்துவ மையங்களில் சிகிச்சை பெற முதியோர்களுக்கு இலவசப் போக்குவரத்து வசதியை ஷா ஆலம் மாநகராட்சி (எம்பிஎஸ்ஏ) வழங்குகிறது.

திங்கள் முதல் வெள்ளி வரை, காலை 8.30 மணி முதல் மாலை 5 மணி வரை, மாற்றுத்திறனாளிக்கான அட்டை வைத்திருப்பவர்களுக்கு (OKU) இதே சேவை வழங்கப்படுகிறது என்று உள்ளூர் அதிகாரசபை முகநூலில் தெரிவித்துள்ளது.

இதுவரை, மாற்றுத்திறனாளிகள் தேவைக்கேற்ப மாற்றியமைக்கப்பட்ட இரண்டு யூனிட் வேன்களும் முதியவர்களை ஏற்றிச் செல்வதற்குப் புரோட்டான் எக்ஸோரா ஒரு யூனிட்டும் ஏற்பாடு செய்யப்பட்டுள்ளது.

தேர்ந்தெடுக்கப்பட்ட எட்டு மருத்துவமனைகள் மற்றும் மருத்துவ மையங்கள் இங்கே:

ஷா ஆலம் மருத்துவமனை

செக்‌ஷன் 7 சுகாதாரக் கிளினிக்

செக்‌ஷன் 19 சுகாதாரக் கிளினிக்

புக்கிட் கூடா சுகாதார கிளினிக்

தெங்கு அம்புவான் ரஹிமா மருத்துவமனை

சுங்கை பூலோ பொது மருத்துவமனை

சுங்கை பூலோ சுகாதார கிளினிக்

மலாயா பல்கலைக்கழக மருத்துவ மையம்எம்பிஎஸ்ஏ சமூக மேம்பாட்டுத் துறையை 03-5522 2732 அல்லது 03-55105133 நீட்டிப்பு 1381 என்ற எண்ணில் தொடர்பு கொண்டு சேவைக்கான முன் பதிவுகள் இரண்டு வாரங்களுக்கு முன்னதாகச் செய்யப்பட வேண்டும்.