சுபாங் ஜெயா, மே 9: அனைத்து ஊராட்சி மன்றங்கள் கார் பார்க்கிங் கட்டணங்கள் முழுவதுமாக இ–கூப்பன் முறையைப் பயன்படுத்துவது குறித்து மாநில அரசு நேர்மறையான கருத்துகளைப் பெற்றுள்ளது.
நடைமுறைக்கு வந்த ஒரு மாதத்திற்குப் பிறகு, காகித பார்க்கிங் கூப்பன் முறைக்குப் பதிலாக ஸ்மார்ட் சிலாங்கூர் பார்க்கிங் (எஸ்எஸ்பி) பயன்பாட்டைப் பயன்படுத்தி அனைத்து தரப்பினரும் கட்டண முறையை வரவேற்றதாக ஊராட்சி மன்றங்கள், பொது போக்குவரத்து, புதுக் கிராம மேம்பாடு அரசாங்க ஆட்சிக்குழு உறுப்பினர் தெரிவித்தார்.
"செயல்படுத்தலின் தொடக்கத்தில் ஒரு விழுக்காடு புகார்கள் மட்டுமே இருந்தன, ஆனால் பயனர்கள் முன்பு வாங்கிய காகித பார்க்கிங் கூப்பன்களை இ-கூப்பன்களாக மாற்ற முடியும் என்பது சிறப்பாகக் கையாளப்பட்டது.
"இ-கூப்பன்களின் பயன்பாடு நுகர்வோருக்கு எளிதாக்குகிறது. இதுவரை, 57,000 க்கும் மேற்பட்ட காகித பார்க்கிங் கூப்பன்கள் கிட்டத்தட்ட RM40,000 பரிவர்த்தனைகளுடன் இ-கூப்பன்களாக மாற்றப்பட்டுள்ளன என்று எங்களுக்குத் தெரிவிக்கப்பட்டுள்ளது, ”என்று அவர் கூறினார்.
இன்று இங்குள்ள வாவாசன் பூச்சோங் பொழுதுபோக்கு பூங்காவில் நடந்த 2022 ஆம் ஆண்டின் பூச்சோங் சமூக கலை விழா நிகழ்ச்சியில் கலந்து கொண்ட பிறகு அவர் தெரிவித்தார்.
ஏப்ரல் 1 முதல், சிலாங்கூரில் உள்ள அனைத்து ஊராட்சி மன்றங்களும் கார் பார்க்கிங் கட்டணங்களை முழுவதுமாக இ–கூப்பன் முறையைப் பயன்படுத்துகின்றன.
எனவே, பணம் செலுத்தும் பரிவர்த்தனைகளை எளிதாக்குவதற்கு கூகுள் பிளேஸ்டோர், ஏப்ஸ்டோர் அல்லது ஹூவாய் ஸ்டோர் ஆகிய தளங்கள் வாயிலாக எஸ்எஸ்பி செயலியைப் பதிவிறக்கம் செய்ய பொதுமக்கள் ஊக்குவிக்கப்படுகிறார்கள்.
காகித கூப்பன்களை வைத்திருப்பவர்கள், மார்ச் 26 முதல் கூப்பனின் மீதமுள்ள மதிப்பை கிரெடிட்டிற்கு மாற்ற, எஸ்எஸ்பி பயனர்களாகப் பதிவு செய்ய வேண்டும்.
இந்த முறை இழப்புகளை எதிர்கொண்ட நுகர்வோரின் கவலைகளை கருத்தில் கொண்டு இந்த அணுகுமுறை செயல்படுத்த படுகிறது.
