பெட்டாலிங் ஜெயா, செப்டம்பர் 2:
பெட்டாலிங் ஜெயா மாநகராட்சி மன்றத்தின் சேவையில் மக்கள் பூரிப்பு அடைந்தனர் என்று 2016-இன் மெர்டேக்கா சென்டர் நடத்திய ஆய்வில் தெரியவந்துள்ளது.
பெட்டாலிங் ஜெயாவின் மேயர், டத்தோ அஸிஸி முகமட் ஜைன் கூறுகையில், மேற்கண்ட ஆய்வு அறிக்கையில் 74% சிலாங்கூர் வாழ் மக்கள் ஊராட்சி மன்றங்களின் சேவை மீது மனநிறைவு அடைவதாக அறிவித்துள்ளது குறிப்பிடத்தக்கது.
" இது ஊராட்சி மன்றங்களின் கொள்கையான விரைவான, சரியான, ஆக்கபூர்வமான, மக்கள் தொடர்பு மற்றும் சேவையை மேம்படுத்தும் நடவடிக்கைகள் அடிப்படையில் அமைந்ததாகும். பெட்டாலிங் ஜெயா மக்களின் தரமான வாழ்க்கையை உறுதி செய்ய மாநகராட்சி மன்றத்தின் செயல்பாடுகள் அமையும்," பெட்டாலிங் ஜெயா மாநகராட்சி மன்றத்தின் கூட்டத்தில் தெரிவித்தார்.
இதனிடையே, அஸிஸி கூறுகையில், பெட்டாலிங் ஜெயா மாநகராட்சி மன்றமும் ஐந்து நட்சத்திர அந்தஸ்து பெற்ற ஊராட்சி மன்றங்களில் ஒன்றாகும் என்று பெருமிதம் கொண்டார்.
#கேஜிஎஸ்
